Арассыыйаҕа Учуутал уонна уһуйааччы, Саха сиригэр Үлэ сылларын чэрчитинэн Сергей Зверев аатынан Үҥкүү национальнай тыйаатыра тохсунньу 22 күнүгэр “Хомус тыына” өрөспүүбүлүкэтээҕи куонкуруһу биллэрэр.
Куонкуруска маннык бөлөхтөрүнэн кыттыллар:
I: 3-9 саастаах оҕолор
II: 10-16 саастаах оҕолор
III: 17-тэн үөһээ саастаах улахан дьон.
9:00 ч. кыттааччылары бэлиэтээһин (биирдиилээн уонна икки буолан толорооччулары)
10:00 ч. – биирдиилээн уонна икки буолан толорооччулар куонкурустара саҕаланар.
12:00 ч. – кыттааччылары бэлиэтээһин (бөлөҕүнэн уонна ансаамбылынан толорооччулары)
13:00 ч. – бөлөҕүнэн уонна ансаамбылынан кыттааччылар куонкурустара саҕаланар.
19:00 – дьүүллүүр сүбэ чилиэннэрин кылаас-кэнсиэрэ.
Хас биирдии кыттааччы (биирдиилээн толорооччулар уонна ансаамбыллар) иккилии композияны толороллор. Икки композиция уһуна 5 мүнүүтэттэн тахсыбат.
Бастакы композиция – үгэс буолбут толоруу (сыыйа тардыы).
Иккис композицияны кыттааччы бэйэтэ талар (аныгы).
Куонкуруска кыттарга сайаапкалар 2023 сыл тохсунньу 21 күнүгэр диэри Дьокуускай куорат, Ленин проспегын 47 дьиэтин 507 кэбиниэтигэр ылыллаллар. Ону сэргэ dancesakha@mail.ru электроннай аадырыска, ватсаабынан 8-964-423-47-89 нүөмэргэ ыытыахха сөп.
Куонкуруска кыттарга киирии төлөбүр: биирдиилээн толорооччу – 500 солкуобай. Икки буолан толорооччулар, бөлөхтөр уонна ансаамбыллар – хас биирдии кыттааччытыттан 300 солкуобай.
Ыытыллар сирэ: Дьокуускай куорат, Ленин проспегын 47 нүөмэрдээх дьиэтэ, Ю.Е.Платонов аатынан Эстрада судаарыстыбаннай тыйаатырын Камернай саалата.
Варвара Степанова-Арчыына – М.Н.Жирков аатынанДьокуускайдааҕы мусукаалынай кэллиэс фольклорга отделениетын преподаватела, аан дойду култууратын маастара, аан дойдутааҕы виртуоз-хомусчут, СӨ үтүөлээх артыыската.
Туйаара Жиркова – Аан дойду норуоттарын хомуһун мусуойун уонна киинин экспозициялыыр-быыстапкалыыр отделын сэбиэдиссэйэ, импровизатор-хомусчут, СӨ култууратын туйгуна.
Нарияно Ренанто – Ю.Е.Платонов аатынан Эстрада судаарыстыбаннай тыйаатырын артыыската, аан дойдутааҕы виртуоз-хомусчкт, СӨ култууратын туйгуна.
Артур Семенов-Тоҥ Саха – М.Н.Жирков аатынан Дьокуускайдааҕы мусукаалынай кэллиэс фольклорга отделениетын преподаватела, импровизатор-хомусчут, СӨ култууратын туйгуна.
Василена Шарина – СА.Зверев-Кыыл Уолун аатынан Үҥкүү национальнай тыйаатырын вокалистка-артыыската уонна импровизатор-хомусчута, Бүтүн Арассыыйатааҕы уонна аан дойдутааҕы куонкурустар лауреаттара.
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…