Анал байыаннай эпэрээссийэҕэ сылдьар байыаннай сулууспалаахтар оҕолоро Саха сирин оҕо лааҕырдарыгар босхо путевкалары ылыахтара. Бу Саха сирин Ил Дархана Айсен Николаев ыйааҕынан олохтоммут социальнай өйөбүл биир көрүҥэ.
Путевканы оҕолор 6,5 саастарыттан 18 саастарыгар диэри ылыахтара. Бүгүн маннык путевканы ылыыга 38 сайабылыанньаны көрдүлэр. Бу туһунан брифинг кэмигэр өрөспүүбүлүкэ үөрэҕин уонна наукатын миниистирин бастакы солбуйааччы Алевтина Аргунова иһитиннэрдэ.
«Оҕолор 2023 сыллааҕы сайыҥҥы чэбдигирдэр хампаанньа кэмигэр Саха сиригэр баар оҕолору сынньатар, чэбдигирдэр бары тэрилтэлэргэ уонна сылы эргиччи үлэлиир лааҕырдарга — Дьокуускайга «Сосновый бор» кииҥҥэ уонна Сунтаар улууһун Кэмпэндээйи сэлиэнньэтигэр сынньаныахтарын сөп»,- диэтэ Аргунова.
Үгүс сайабылыанньа биэрбит төрөппүттэр 2023 сыл сайыныгар оҕо лааҕырдарыгар путевканы ылыахтарын баҕараллар. «Күһүҥҥү уһун өрөбүл кэмигэр «Сосновай борга» уонна «Сир уустара» санаторийга сменалар тэриллиэхтэрэ. Сорох төрөппүттэр бу сменаларга сайабылыанньалары биэрдилэр», — диэтэ кини.
Босхо путевкалар оҕо лааҕырдарыгар төрөппүттэртэн биирдэстэрин эбэтэр сокуоннай бэрэстэбиитэллэрин сайабылыанньаларыгар олоҕуран бэриллэр. Сайабылыанньалар «Мин докумуонум» офистарыгар эбэтэр e-yakutia.ru судаарыстыбаннай уонна муниципальнай өҥөлөр порталларыгар бэриллэр. Төрөппүттэр сайабылыанньаларыгар оҕолорун кытта хантаактаһарга чахчылары ыйаллар уонна өҥөнү ханна ылар баҕалаахтарын.
Санаттахха, «Байыаннай сулууспалаахтар дьиэ кэргэттэрин өйүүр миэрэлэр тустарынан» Саха сирин баһылыгын Айсен Николаев ыйааҕынан бу көмөнү быстах хомуур кэмигэр байыаннай сулууспаҕа ыҥырыллыбыт байыаннай сулууспалаахтар уонна 2022 сыл олунньу 24 күнүттэн анал байыаннай сорудаҕы толорууга баҕа өттүлэринэн хантараак түһэрсибит байыаннай сулууспалаахтар дьиэ кэргэттэрин чилиэннэрэ ылаллар.
Хаһааччыйаҕа "Сайдыы" култуура дьиэтигэр аҕыйах ахсааннаах норуоттар бэргэһэлэрин (авун) тигиигэ уран тарбахтаах иистэнньэҥнэргэ сонун, ураты…
Ил Түмэн Бэрэстээтэлэ Алексей Еремеев бэҕэһээ Мэҥэ Хаҥалас уонна Амма улуустарыгар үлэлээбит эбит буоллаҕына, бүгүҥҥү…
Украина иирсээнин күөртүү олорор арҕаа дойдулар онно сөп буолбакка, аны «киирсиинэн» ыаһахтанан эрэллэр. Кэлии-барыы, суксуруһуу,…
Уус Алдаҥҥа Бэрт Ууһугар муус ылыытыгар нэһилиэк эр дьоно көхтөөхтүк кытыннылар. Үс чаас иһигэр 1000…
Күн-дьыл туруга бу күннэргэ хайдаҕый? Күнү-дьылы кэтээн көрөр сулууспа туох диирий? Өрөспүүбүлүкэ соҕуруу өттүгэр уонна…
Хой Үп-харчы балаһыанньата бигэ туруктаах. Арай хамсаабат баайы-уолу кытта сибээстээх боппуруос соһуччу эбии ороскуокка тэбиэн…