Анал байыаннай эпэрээссийэҕэ сылдьар байыаннай сулууспалаахтар оҕолоро Саха сирин оҕо лааҕырдарыгар босхо путевкалары ылыахтара. Бу Саха сирин Ил Дархана Айсен Николаев ыйааҕынан олохтоммут социальнай өйөбүл биир көрүҥэ.
Путевканы оҕолор 6,5 саастарыттан 18 саастарыгар диэри ылыахтара. Бүгүн маннык путевканы ылыыга 38 сайабылыанньаны көрдүлэр. Бу туһунан брифинг кэмигэр өрөспүүбүлүкэ үөрэҕин уонна наукатын миниистирин бастакы солбуйааччы Алевтина Аргунова иһитиннэрдэ.
«Оҕолор 2023 сыллааҕы сайыҥҥы чэбдигирдэр хампаанньа кэмигэр Саха сиригэр баар оҕолору сынньатар, чэбдигирдэр бары тэрилтэлэргэ уонна сылы эргиччи үлэлиир лааҕырдарга — Дьокуускайга «Сосновый бор» кииҥҥэ уонна Сунтаар улууһун Кэмпэндээйи сэлиэнньэтигэр сынньаныахтарын сөп»,- диэтэ Аргунова.
Үгүс сайабылыанньа биэрбит төрөппүттэр 2023 сыл сайыныгар оҕо лааҕырдарыгар путевканы ылыахтарын баҕараллар. «Күһүҥҥү уһун өрөбүл кэмигэр «Сосновай борга» уонна «Сир уустара» санаторийга сменалар тэриллиэхтэрэ. Сорох төрөппүттэр бу сменаларга сайабылыанньалары биэрдилэр», — диэтэ кини.
Босхо путевкалар оҕо лааҕырдарыгар төрөппүттэртэн биирдэстэрин эбэтэр сокуоннай бэрэстэбиитэллэрин сайабылыанньаларыгар олоҕуран бэриллэр. Сайабылыанньалар «Мин докумуонум» офистарыгар эбэтэр e-yakutia.ru судаарыстыбаннай уонна муниципальнай өҥөлөр порталларыгар бэриллэр. Төрөппүттэр сайабылыанньаларыгар оҕолорун кытта хантаактаһарга чахчылары ыйаллар уонна өҥөнү ханна ылар баҕалаахтарын.
Санаттахха, «Байыаннай сулууспалаахтар дьиэ кэргэттэрин өйүүр миэрэлэр тустарынан» Саха сирин баһылыгын Айсен Николаев ыйааҕынан бу көмөнү быстах хомуур кэмигэр байыаннай сулууспаҕа ыҥырыллыбыт байыаннай сулууспалаахтар уонна 2022 сыл олунньу 24 күнүттэн анал байыаннай сорудаҕы толорууга баҕа өттүлэринэн хантараак түһэрсибит байыаннай сулууспалаахтар дьиэ кэргэттэрин чилиэннэрэ ылаллар.
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…