Хаартыска: ааптар тиксэриилэрэ
Тамара Семеновна Евграфова-Хоҥкуйа Хотун «Сырдык санааларым» диэн алгыс дьүһүйүү кинигэтэ «Арчы дьиэтигэр» муус устар 6 күнүгэр сүрэхтэммитэ.
Кини бүгүн, Кинигэ уонна кинигэни ааҕааччы аан дойдутааҕы күнүнэн, чугас дьонугар махтал тылларын аныыр.
“Сарсыардааҥы сырдык санааларым хомуллан, кинигэ буолан тиһиллэн, ааҕааччыларбар, сэҥэрээччилэрбэр иһитиннэрэр, билиһиннэрэр биһирэмнээх күн бэлиэтэннэ, тускуллаах күн туһаайылынна.
Тоҕо эрэ бу бэлиэтээһин “Арчы дьиэтигэр” ыытыллан дуу, алгысчыт түстээһинэ күүстээҕиттэн дуу айыыһыттар арыаллыы сылдьалларын курдук сананан аһыллан, сэргэхсийэн олорон, дьон санаатын, этиитин, баҕатын долгуйа иһийэн иһиттим, дууһабар ылынным. Киэҥник тэнийэн тарҕанар эбит ис санааларым, онтон үөрдүм. Ытыгылаан кэлбит бары ыалдьыттарбар, хомуллан кэлбит үтүө дьоммор, көх-нэм буолаары ис санааларыттан түмсүбүт ааҕааччыларбар барҕа махтал буолуохтун! Сүүрбүт-көппүт, кэпсэппит-тэрийбит, дьоро киэһэни ыыппыт истиҥ дьүөгэбэр Парасковья Алексеевна Гоголеваҕа, киэҥ дьоһуннаах ырытыыны оҥорбут Светлана Георгиевна Егороваҕа-Тулуйхаанаҕа, санааларын тиэрпит суруйааччыларга Афанасий Гуриновка-Арчылаҥҥа, Галина Николаевна Борисоваҕа-Толбооноҕо, төрөөбүт дойдубуттан төрүттээх Чурапчы суруйаачааччыларыгар Римма Иннокентьевна Корякинаҕа-Хотуунаҕа, Егор Егорович Картузовка, Феоктистов Семен Пантелеймоновичка, Адамов Гавриил Иннокентьевичка, алтыһар Намым кырдьаҕастарын дьиэтин дириэктэригэр Анастасия Степановна Забородскаяҕа, күннэтэ санаан ахтар Мэлдьэхсим түмсүүтүн кыргыттарыгар, өрө көтөҕүллүүнэн бииргэ үлэлээбит, тапталлаах оскуолам Дириҥиттэн түмүллэн кэлбит бииргэ үөрэммит оскуола сааһым дьүөгэлэригэр, олоҕум доҕоро Юрам Красноярскайга бииргэ үөрэммит доҕотторугар, хаан уруу аймахтарбар араҥаччылыыр, бүөбэйдэһэр балтыбар Мария Петровна Божедоноваҕа, чугастык санаһар дьоммор уо.д.а. барҕа тылбын барҕардан, үтүө тылбын үмүөрүтэн, сылаас тылбын сылаанньытан улахан махталбын тиэрдэбин.
Сылдьыбыккытыттан сылаас өйдөбүл, истибиккититтэн иһирэх санаа, алтыспыккытыттан алгыс санаа үөскүөхтүн, тэнийиэхтин. Эппит саһарҕа тылларгыт, баҕарбыт барҕа баҕаҕыт, үөппүт үтүө санааҕыт уон оччонон улаатан бэйэҕитигэр эргиллиэхтин, олоххутун дьоллоотун, сиэрдээхтик сириэдиттин.
Хоҥкуйа Хотун.
Ахсынньы 3 күнэ - хааннаах кыргыһыыга охтубут, ааттара биллибэт саллааттары барыларын ахтан-санаан, кэриэстээн ааһар күммүт.…
Бүгүн Өймөкөөн улууһун муниципальнай нэһилиэктэрин уонна оробуочай бөһүөлэктэрин сайыннарыыга туһуламмыт киэҥ ыҥырыылаах стратегическай сиэссийэҕэ кэккэ…
Бу сыл саҕаланыаҕыттан Саха сиригэр 4 тыһ. тахса бэйдиэ сылдьар ыты туттулар, онтон аҥаарын --…
2025 сыл саҕаланыаҕыттан Дьокуускай куоракка тахсыбыт суол саахала былырыыҥҥы бу кэминээҕини кытары тэҥнээтэххэ 8,3%, эчэйии…
Бүгүн Дьокуускай куорат оскуолаларын бүтэрээччилэрэ, атыттары сэргэ, түмүктүүр өйтөн (аахпыттан) суруйууну толордулар. Бу үлэни ситиһиилээхтик…
Дьокуускайга куорат дьаһалтата сылаас тохтобуллары былаан быһыытынан оҥорор. Бу соторутааҕыта Залог оройуонун тиһэх тохтобулугар --…