Хоноһолуур доҕоро малын-салын, үнүстүрүмүөннэрин уоран атыылаабыт

Хаҥалас оройуонугар 37 саастаах олохтоох киһи үнүстүрүмүөннэри уорууга уорбаланар.

Силиэстийэ көрдөрүүтүнэн, уорбаланааччыны доҕоро дьиэтигэр олороругар көҥүллээбит. Ол гынан баран, доҕоро малын-салын уорбут. Ол кэннэ эр киһи үнүстүрүөмүөннэри уларсык ылбыт уонна атыылаабыт. Уорбаланааччы эр киһини ойоҕо дьиэтиттэн үүрбүт эбит, ол иһин хоноһолуу доҕоругар тиийбит. Харчыга наадыйан, эр киһи доҕорун малын уорарга санаммыт.

Силиэстийэ быһаарыытынан, уорбаланааччы үлэ буллум диэн аны безопиланы уларсык ылбыт. Доҕоро үнүстүрүмүөнүн да, бензопиланы да кэлин төттөрү ылбатах. Сарсыныгар аны торцовочнай эрбиитэ сүппүт. Кэлин биллибитэ, уорбаланааччы ылбыт малы барытын атыылаабыт, харчыны тус бэйэтигэр туһаммыт уонна доҕорун кытта арыгы атыылаһарга ороскуоттаабыт. Хоромньу суумата 40 тыһыынча солкуобай буолбут.

Российскай Федерация Холуобунай Кодексатын 2 ч. 158 ыст. холуобунай дьыала тэрилиннэ. Уорбаланааччы 5 сылга диэри болдьоххо көҥүлэ быһыллыан сөп.