Хаартыска: Чокуур Гаврильев
Атырдьах ыйын 3 күнүгэр Дьокуускай куорат Үс Хатыҥ түһүлгэтигэр өр кэмнээх тохтобул кэнниттэн өрөспүүбүлүкэтээҕи «Хонуу куукуната» бэстибээл-күрэх ыытылынна.
Быйылгы күрэх норуокка киэҥник биллибит «Охота и рыбалка в Якутии» тэлэбиидэнньэнэн биэрии ааптара уонна ыытааччыта Александр Ильич Борисов төрөөбүтэ 65 сылыгар ананна. Бэстибээлгэ-күрэххэ 10 хамаанда кытынна – Горнай, Амма уонна Хаҥалас улуустара, Экология министиэристибэтэ, «Саха» НКИХ, сибээс салаатын тэрилтэлэрин бэрэстэбиитэллэрэ.
Тэрээһин аһыллыытыгар күрэххэ быһаччы кыттар сибээс үлэһиттэрэ уонна улуус баһылыктара Александр Борисов Саха сиригэр сибээс сайдыытыгар улахан кылаатын бэлиэтээтилэр. Тылы эппиттэр кини айылҕаҕа дьиҥнээх тапталын, булт, балыктааһын култууратын үгэстэрин харыстааһыҥҥа, тэлэбиидэнньэнэн биэриилэрин нөҥүө саха дьонун ортотугар көхтөөх сынньалаҥы сайыннарыыга оруолун сыаналаатылар.
Александр Ильич уола, бэстибээл тэрийэр кэмитиэтин салайааччыта Илья Борисов, бу тэрээһин булт уонна балыктааһын үгэстэрин кытта ситимнээҕин бэлиэтээтэ.
Горнай улууһун баһылыга Никита Андреев уонна Амма улууһун баһылыга Степан Кузьмин дэлэгээссийэлэри бэйэлэрэ салайан, олохтоох астан-үөлтэн уонна бултаммыт бултан минньигэс астары астааһыҥҥа быһаччы кыттыбыттара үөрдэр.
Степан Кузьмин Амма улууһун дэлэгээссийэтэ бу күрэххэ аан бастаан кыттарын эттэ уонна тэрийээччилэргэ бэстибээл инникитин сайдарыгар баҕарда. Бэстибээли кэҥэтэр туһунан баҕа санаатын Никита Андреев эмиэ бэлиэтээтэ.
«Бу олус үтүө, түмэр күүстээх тэрээһин. Ким кыайара, ким хоттороро улахан суолтата суох. “Хонуу куукуната” далааһына араас улуустары уонна нэһилиэктэри хабан, өссө кэҥээтин», – диэтэ кини. Бары хамаандалар икки чаас устата аһаҕас халлаан анныгар эттэн, бултан уонна балыктан хас да араас бүлүүдэни астаатылар.
Дьүүллүүр сүбэ бүлүүдэни ууруу уратытын, билиһиннэриитин, амтанын, састаабын, астыыр ньыматын уо.д.а. сыаналаата. Дьүүллээһии кэннэ бастакы миэстэни «Арктик Телеком» АУо хамаандатыгар, иккис миэстэни – Экология министиэристибэтин бэрэстэбиитэллэригэр туттарда. Үһүс бочуоттаах миэстэни «Саха» НКиХ хамаандата ылла. Биир да хамаанда туора турбата, барыларыгар спонсордартан сыаналаах бириистэрдээх араас анал ааттар иҥэрилиннилэр. Тэрийээччилэр — быйыл күрэҕи бэстибээл быһыытынан ыыппыт Александр Борисов кэллиэгэлэрэ уонна доҕотторо иһитиннэрбиттэринэн, кэлэр сылга «Хонуу куукуната» Дьокуускай куорат мэриятынан ыытыллыаҕа.
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…
Саха сирин олохтоохторо уонна улуус дьаһалталара байыаннай дьайыыга сылдьар биир дойдулаахтарыгар өрүү көмөлөһөллөр. Бу өйөбүл…
«Тута» позывнойдаах Арассыыйа Дьоруойун Андрей Григорьевы СӨ мас-рестлиҥҥэ федерациятын бочуоттаах чилиэнинэн уонна вице-бэрэсидьиэнинэн таллылар. Дастабырыанньаны…