Хоролор байыаннай дьайыыга сылдьар уолаттар дьонноругар мастарын бэлэмнээтилэр

Улуу Кыайыы 78 сылынан Үөһээ Бүлүү улууһун Хоро нэһилиэгэр араас хабааннаах үлэлэр ыытылла тураллар диэн Тамара Семенова иһитиннэрдэ.

— Олохтоох дьаһалта ыҥырыытынан тэрилтэлэр эр дьонноро түмсэн, байыаннай дьайыыга сылдьар уолаттарбыт дьонноругар оттук маһы бэлэмнээһиҥҥэ улахан субуотунньук  оҥорбуттара. Бү үтүө дьыаланы салҕаан,  ыам ыйын 7 күнүгэр, «Дьулуур» түмсүү эдэр ыччаттара субуотунньуктаан, 4 массыына маһы киллэрдилэр. Бары биир сомоҕо буолан, иннибит диэки эрэллээхтик хардыылыыбыт, — диэн кэпсиир Үөһээ Бүлүүттэн  Тамара Семенова.