Хаартыска: үлэ, социальнай сайдыы министиэристибэтэ.
Мэҥэ Хаҥалас улууһун Хорообут нэһилиэгэр социальнай хантараак көмөтүнэн кыаллыбыт «Мин бастакы хамнаһым» пилотнай бырайыак үлэтэ саҕаланна.
Урбаанньыт Григорий Плотников кэтэх хаһаайыстыбатын сайыннарыыга 450 000 солкуобайы ылбыта, улаатан эрэр обургу оҕолорго сайынын дьарыктаах буолууну тэрийэн, бастакы үлэ уопутун ылар кыаҕы биэрдэ. Икки сезон устата оҕолор хаһаайыстыба сиригэр күрүө тутуутунан дьарыктаныахтара. Хас сезон аайы 6 кыттааччы баар.
Бырайыакка кыттыбыт оҕолорго бастакы үлэ киниискэлэрин үөрүүлээх быһыыга-майгыга туттардылар. «Алмаасэргиэнбаан» оҕолорго «Саха сирин олохтооҕо» каарталары бэлэхтээтэ. Каартаҕа харчы угулла сылдьар. Эдэр үлэһиттэрин туһугар кыһалларын туоһутунан, бырайыак кыттыылааҕа Григорий Плотников оҕолору наадалаах анал таҥаһынан хааччыйда.
Бу бырайыакка кыттан, бары сүүйүүлээх таҕыстылар — урбаанньыт социальнай хантараак ылла уонна күрүөтүн оҥорторор, оҕолор үлэлии үөрэнэллэр уонна хамнас аахсаллар, төрөппүттэр эмиэ үөрэллэр. Онон атын нэһилиэктэргэ бу уопуту эмиэ көхтөөхтүк туһаныахтарын сөп эбит.
«Мин бастакы хамнаһым» — бу социальнай бырайыак, оҕолору үлэлии үөрэтэргэ, бастакы хамнастарын аахсан, үлэ уопутун ылыналларыгар туһуламмыт. Ордук ыарахан балаһыанньаҕа түбэспит оҕолорго көмөлөһүөхтэрэ.
Бырайыак үлэҕэ киириигэ уонна идэни талыыга өйөбүлү биэрэр. «Мин бастакы хамнаһым» бырайыагы Ил Дархан Айсен Николаев көҕүлээбитэ.
Сиһилии аах: https://mintrud.sakha.gov.ru/news/7049
Арассыыйа Силиэстийэлиир кэмитиэтин салайааччы Александр Бастрыкин Дьокуускай хаарбах дьиэлэргэ олохтоох дьонун үҥсүүлэринэн, кинилэр бырааптарын кэһии…
Бүгүн, алтынньы 13 күнүгэр, Хатас сэлиэнньэтигэр Охлопковтар дьиэ кэргэҥҥэ гаас холбонон, үөрүүлээх түгэн буолла. Бу…
Дьокуускайга полицейскайдар 5 саастаах оҕотун дьиэтигэр таһыттан хатаан баран барбыт ийэни эппиэтинэскэ тардыбыттарын туһунан ИДьМ…
Бүгүҥҥүттэн, ол эбэтэр алтынньы 13 күнүттэн, Дьокуускайдааҕы өрүс пуордуттан Аллараа Бэстээххэ диэри катерынан дьону таһыы…
Дьокуускайдааҕы гидро-метео ыстаансыйа управлениета Саха сирин өрүстэрин алтынньы 13 күнүнээҕи туруктарын туһунан иһитиннэрэр. Өрүстэр…
Дьокуускай полицейскайдара 44 тыһ. солк. кэриҥэ харчыны уорууга уорбаланар киһини туттулар. Полиция 1-кы №-дээх отделын…