Хоролор балыыһа уонна кулууп тутуллуутун туруорсаллар

Ситэриилээх былаас уорганын 2024 сыллааҕы үлэтин түмүгүн отчуотун иккис күнүн Үөһээ Бүлүү улууһун Хоро нэһилиэгэр саҕалаата.

Бырабыыталыстыба отчуотун иннинэ нэһилиэк баһылыга Альберт Иванов бөлөх салайааччытыгар Петр Поповка уонна улуус баһылыгар Валерий Николаевка нэһилиэк «Улуу Хоро оҕонньор» өйдөбүнньүк бэлиэтин туттарда.

Ааспыт сылга Үөһээ Бүлүү улууһугар Бырабыыталыстыба отчуотугар 170 боппуруос киирбитэ, онтон 54-дэ туолбут, онтон атына быһаарылла сылдьар. Оттон Хороттон 7 боппуруос киирбит. Хоро олохтоохторо сүрүннээн култуура дьиэтин, балыыһа тутуутун өрүс кытылын бөҕөргөтүүнү туруорсаллар.

Отчуоттуур бөлөх салайааччыта, экэниэмикэ миниистрэ Петр Попов саҥа бырайыагынан 2027 сылга былааннанар диэн эттэ. Оттон кулуубу тутуу бырайыага эспэртииһэни ааспыт, ол эрээри, билиҥҥитэ үбүлээһинэ биллибэккэ турар эбит. Саҥа национальнай бырайыагынан тутуу көрүллүбэт тохтоон, саҥа нацбырайыакка тутуу көрүллүбэт, онон өрөспүүбүлүкэтээҕи үбүлээһининэн эрэ барыан сөп диэн буолла.

Ходуһаны нүөлсүтүү үлэтэ эмиэ кыһалҕа. Бу боппуруос эмиэ быһаарылла сылдьар. Аны туран муниципальнай уонна судаарыстыбаннай сулууспалаахтар хамнастарын туруорсубуттара. Быйыл тохсунньу, олунньу ыйдарга үрдээн, бу сырыыга ол боппуруос турбата.

Өрүс уҥуоргу нэһилиэктэр биир тыын суолталаах боппуруостарынан гаастааһын буолар. Ил Дархан олунньу 15 күнүгэр Үөһээ Бүлүү улууһугар кэлэ сылдьан тустаах докумуоҥҥа илии баттаабыта. Бастакы түһүмэххэ үс нэһилиэккэ, ол иһигэр Хороҕо, 2029 с диэри гаас ситимэ тардыллыаҕа.
Сааһын тухары тыа хаһаайыстыбатыгар үлэлээбит кырдьаҕас олохтоох Валерий Григорьев агрохолдины тэрийии хайдах буолуон уонна олохтоох бэйэни салайыныы туһунан ыйытта.

Олохтоох сэбиэт дьокутаата, бочуоттаах сынньалаҥҥа олорор Илья Саввинов бырабыыталыстыба нэһилиэнньэ отчуотун сөптөөҕүнэн ааҕан туран, Ил Дархан Айсен Николаевы өйүүргэ, кини тула түмсэргэ ыҥырда.

Хороҕо ааспыт отчуоттарга турбут боппуруостар бары кэриэтэ быһаарылланнар, быйыл туруорсуу да суоҕун кэриэтэ.