Хорсун буойун сырдык кэриэһигэр волейбол күрэҕэ ыытыллыа

Сэтинньи 29-30 күннэригэр Нам улууһун Үөдэй нэһилиэгэр байыаннай дьайыыга Ийэ дойдутун интэриэһин көмүскүү сылдьан сырдык тыына быстыбыт нэиһилэк бастыҥ ыччата, күрэсчитэ, «Хорсун санааланыы» уордьан кавалера Иван Иванович Яковлев сырдык кэриэһигэр өрөспүүбүлүкэтээҕи волейбол  турнира ыытыллыа.

Күрэхтэһиигэ Дьокуускай, Нам,  Амма, Чурапчы, Мэҥэ Хаҥалас, Таатта, Ньурба улуустарын уонна Үөдэй нэһилиэгин волейболга хамаандалара кыттыыны ылыахтара. Бу туһунан Нам улууһун дьаһалтата иһитиннэрэр.

Үөдэй олохтоохторо волейболу биһириир, өрүү сэҥээрэр дьон-сэргэ Саха сирин күүстээх волейболистарын оонньууларын кэлэн сэргии көрөргүтүгэр, хамаандаларга ыалдьаргытыгар  ыҥыраллар.