Феодосия Сыроватская хаартыскаҕа түһэриитэ
Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи сылынан, Улуу Кыайыы 80 сылынан Суотту орто оскуолатыгар долгутуулаах тэрээһин буолла. Бу Ленинград блокадаттан босхоломмута 81 сылыгар аналлаах хорсун быһыыга сүгүрүйэр өйдөбүл тэрээһин.
Тулхадыйбат хорсун быһыыны үйэтитэр тэрээһиҥҥэ 5 (кылаас салайааччыта Пермякова Е.В.) уонна 6 кылаас үөрэнээччилэрэ (кылаас салайааччыта Константинова А.Е.) кыттыыны ыллылар. Кинилэр оччолорго аччык, аас-туор кэмнэргэ дьон хайдах олорбутун, төһө нуорма килиэп олохтоохторго тиксэрин, уо.д.а. кэпсээтилэр. Блокада оҕолорун дьылҕаларын, Таня Савичева күннүгүн туһунан 7 кылаас үөрэнээччилэрэ (кыл.салайааччыта Оконешникова Л.И.) билиһиннэрдилэр. 9 кылаас үөрэнээччилэрэ кылаас салайааччылара Копырина А.И., Бубякина В.А. кытта П.А. Ойуунускай аатынан Саха тыйаатырыгар туруоруллубут И.Гоголев-Кындыл суруйуутунан «Кэрэ көмүскэлигэр» испэктээги көрөн Саха сириттэн Ленинград блокадатыгар кыттыбыт Н.Островскай аатынан театральнай институт устудьуоннарын курус дьылҕаларын кэпсээтилэр, испэктээк туһунан санааларын үллэһиннилэр.
Санкт-Петербург куоракка бу соторутааҕыта эрэ сылдьан, блокада устуоруйатын кэпсиир бэлиэ сирдэри көрөн, элбэҕи билэн кэлбит 10 кылаас үөрэнээччилэрэ (кылаас салайааччыта Бубякина С.В.) бэлэмнээбит матырыйааллара, кэпсээннэрэ көрөөччүлэр болҕомтолорун тарта. Онтон 11 кылаас үөрэнээччилэрэ кылаас салайааччыта Егорова К.М. кытта күн бүгүн Санкт-Петербурга сылдьаллар. Кинилэр блокада тиэмэтин арыйар видеонан оҥорбут итэҕэтиилээх устуулара сэҥээриини ылла.»Ленинград блокадатын кыттыылааҕа» м этээлинэн наҕараадаламмыт, 1940-1942 с.с. Ленинградтааҕы Н. Островскай аатынан театральнай институт устудьуона Ксения Васильевна Гаврильева хос сиэннэрэ, 11 кылаас үөрэнээччитэ Захаров Арсен, 9 кылаас үөрэнээччитэ Захарова Саша эбэлэрин туһунан истиҥ-иһирэх ахтыылара устуоруйаны кэрэһилиир тэрээһин ис хоһоонун дириҥэттилэр.
Оскуола дириэктэрэ Петухова И.М. түмүккэ оҕолорго махтанна уонна Ийэ дойдуга бэриниилээх буолуу тулхадыйбат холобурунан буолбут Ленинград куорат устуоруйата умнуллуо суохтааҕын эттэ. Мин бу тэрээһиҥҥэ кыттан 2024 с. тахсыбыт «Театр. Якутия. Ленинград» кинигэ ис хоһоонун билиһиннэрдим. Дириҥ ис хоһоонноох тэрээһини оскуола педагог-бибилэтиэкэрэ Бочкарева З.Н. бэлэмнээн, тэрийэн ыытта.
Раиса Черкашина,
Суотту модельнай бибилэтиэкэтэ, Уус Алдан.
Феодосия Сыроватская хаартыскаларга түһэриитэ.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…