Аҕа көлүөнэ хорсун быһыытын үйэтитэн

Улуу Кыайыы 80 сылынан Аҕа көлүөнэ хорсун быһыытын үйэтитэн Уус Алдан улууһун бибилэтиэкэлэрэ чинчийэр үлэни киэҥник ыытабыт.

Кырыктаах кыргыһыыга кыттыыны ылбыт буойуннарбыт тустарынан саҥа чахчылары «Память народа» РФ Оборонатын министиэрэстибэтин сайтыттан булуохха сөп. Ол курдук, Суотту нэһилиэгин Саһылыкаан бөһүөлэгиттэн сэриигэ ыҥырыллан барбыт үс ини-бии Иннокентий Иннокентьевич, Семен Иннокентьевич, Роман Иннокентьевич Дегтяревтар үһүөн сэрии толоонуттан эргиллибэтэхтэрэ. Кинилэртэн саамай кыралара, комсомолец Роман Иннокентьевич уһулуччу хорсун быһыыны көрдөрөн икки төгүллээн «Хорсунун иһин» мэтээлинэн наҕараадаламмытын туһунан докумуон көһүннэ.

Бу сайтка Аҕа дойду Улуу сэриитигэр кыттыбыт дьоммут тустарынан докумуоннары угаллар уонна ону сылтан сыл хаҥатан, кэҥэтэн иһэллэр.

Раиса Черкашина.

Суотту бибилэтиэкэтэ

Валерий Заровняев хаартыскаҕа түһэриитэ