Хаартыска: Виктория Контоева тиксэриитэ
Уус Алдан улууһун Мүрү орто оскуолатыгар байыаннай эпэрээссийэ кэмигэр дьоруойдуу охтубут хорсун разведчик, хамандыыр Василий Данилов кэриэһигэр өрөспүүбүлүкэтээҕи байыаннай-спортивнай оонньуу буолла.
Күрэхтэһиини Василий үөрэммит Мүрү оскуолата уонна улуустааҕы үөрэх управлениета тэрийдилэр.
Тэрээһиҥҥэ буойун чугас дьоно, оҕолоро итиэннэ Василий бойобуой доҕоро Николай Семёнов кытыннылар. Николай байыаннай эпэрээссийэҕэ инники кирбиигэ киирэн бааһыран сыттаҕына, Василий уот ортотуттан таһааран быыһаабыта.
Василий Данилов кэриэһигэр тэрээһини байыаннай эппэрээссийэҕэ кытта сылдьар доҕотторо эмиэ өйөөтүлэр. Кинилэр харчынан көмө ыытан, бириистэри олохтоотулар.
Күрэхтэһиигэ Бороҕон уонна Уус Алдан нэһилиэктэрин оскуолаларын, Чурапчы, Мэҥэ Хаҥалас хамаандалара күөн көрүстүлэр.
Оҕолор строевой бэлэмҥэ, ытыыга, сааны ыһар, хомуйар түһүмэхтэргэ уонна патриотическай ырыаҕа, кадеттар балларын үҥкүүлэригэр күрэхтэстилэр.
Уопсай түмүккэ кыайыылааҕынан Мүрү 1-кы нүөмэрдээх оскуолата ааттанна. Иккис миэстэҕэ Чурапчы хамаандата, үһүскэ Мүрү 2-с нүөмэрдээх оскуолата таҕыстылар. Тэрийээччилэр Василий Данилов кэриэһигэр байыаннай-спортивнай оонньууну сылын аайы ыытар былааннаахтар.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…