Хаартысканы Кононова Варвара Даниловна-Балбаара Хорула тиксэрдэ
Бэҕэһээ, сэтинньи 29 күнүгэр, Тамерлан Романович Иванов аатынан «Кэскил» култуура киинигэр Арассыыйаҕа “Аҕа дойдуну көмүскээччи”, Саха Өрөспүүбүлүкэтигэр “Ийэ дойдуну көмүскээччилэр”, Ньурба улууһугар “Олох-дьаһах эйгэтин тупсарыы”, Улуу Кыайыы 80 сылыгар, Хорула уонна Таркаайы нэһилиэгин бочуоттаах олохтооҕо, Гражданскай килбиэн бэлиэ хаһаайына, Саха култууратын сайдыытын иһин бэлиэ хаһаайына, Саха Өрөспүүбүлүкэтин култууратын туйгуна, Саха Өрөспүүбүлүкэтин Ийэ олонхоһута Иванов Василий Иванович — Чиллэ Баһылай үбүлүөйдээх 75 сааһыгар анаммыт, Олоҥхо декадатын чэрчитинэн Хорула нэһилиэгэр олоҥхо киэһэтэ ыытылынна.
Төрөөбүт төрүт дойдум дьоно, оскуола оҕолоро Чиллэ Баһылай
«Тоҕус халлаан улаҕатыгар
Тура төрөөбүт
Сындыыс курдук сыыйыллар
Сыыдам сырыылаах Дьураа хара аттаах
Дьулуруйар Ньургун Боотур» олоҥхотуттан Кэскил култуура киинин уус-уран салайааччыта Каролина Гуляева ырыаны-тойугу, Алена Тобонова үҥкүүлэри, Сергей Федоров уотун, музыкатын туруорууларыгар сыанаҕа дьүһүйүүнү үөрэ, кэрэхсии көрдүм. Хорулабар олоҥхону аан бастакыбын көрөөччү быһыытынан залга олордум. Эрдэ олоҥхо диэн буолла да миэхэ үлэ буолара.Үөрэммит, дьарыктаммыт, тэҥҥэ үлэлэспит оҕолорум билэллэр. Үлэбин салгыыр үлэһит оҕолор баалларыттан астынным. Таркаайы талба талааннаахтарын эмиэ бу олоҥхоттон куукуланан туруорууларын,
«Үс үүт күрүөнү
Үрдүнэн көстөр
Үрүмэччи маҥан аттаах
Үрүлү Бэргэн бухатыыр» олоҥхоттон, туруорааччы А. Моргусов аатынан Талба НАДЬ методиһа Никита Николаев — Куорсун, толорууларын дуоһуйа, сэргии көрдүм.
Олоҥхону туруорбут үлэһиттэргэ,
олоҥхоҕо кыттыбыт артыыстарга, бука барыгытыгар махтанабын!
Сергей Иванович, Каролина Степановна, Алена Валериевна, Василина Сергеевна инникитин да бу курдук үрдүк таһымнаах, киэҥ далааһыннаах, дириҥ хорутуулаах үлэлэргит ситиһиилэнэн дьон-сэргэ махталын, биһирэбилин ыла турдуннар.
СӨ Үөрэҕириитин туйгуна, үлэ бэтэрээнэ, Региональнай «Айар Кут» хоһоон уонна проза суруйааччыларын союһун, «Ньурба уоттара» чилиэнэ Кононова Варвара Даниловна-Балбаара Хорула
Дьокуускай куорат полициятын 3-с нүөмэрдээх салаатын учаастактааҕы боломуочунайдара Уус Алдан улууһуттан төрүттээх, урут сууттана сылдьыбыт…
Сахалар төрүт итэҕэлбитинэн, таҥха кэмигэр чуумпутук, сэмэйдик сылдьыахтаахпыт. Ол эрээри, тугу гыныахтаахпытын сиһилии билбэппит. Таҥха…
Бу тэрээһиҥҥэ араас тэрилтэлэр салайааччылара, исписэлиистэрэ уонна анал байыаннай дьайыы кыттыылаахтарын дьиэ кэргэттэрин кыһалҕаларын кытта…
Оскуола саастаах оҕо улахан киһи курдук күҥҥэ үстэ аһыырынан муҥурдаммат. Кини оскуолаҕа сылдьан остолобуойга, чугастыы…
Үөрэҕи уонна билими кэтээн көрөр федеральнай сулууспа иһитиннэрэринэн, оскуоланы бүтэрээччилэр олунньу 1 күнүгэр диэри биир…
Дьокуускайдааҕы полиция 4-с нүөмэрдээх отделын дьуһуурунай чааһыгар биир олохтоох дьахтартан төлөпүөнүн уордарбытын туһунан сайабылыанньа киирбит.…