Хаартыска: www.sakha.gov.ru
Ньурба улууһун кииниттэн 120 км тэйиччи олорор, «Хоһуун дьонноох хорулалар дуо?» дэппит Хорула нэһилиэгэ хороҕор муостааҕы, сыспай сиэллээҕи сыһыы аайы сырыырҕатан, баай хара тыаларыттан булт арааһын, тула күөллэриттэн, үрэхтэриттэн көмүс хатырыктааҕы, айылҕа быйаҥын бэриһиннэрэн олорор үлэһит үтүөтэ ыаллардаах.
Хорула нэһилиэгиттэн 7 байыаннай сулууспалаах бу буола турар байыаннай эпэрээссийэҕэ кыттар. Буойуттарга уонна кинилэр дьиэ кэргэттэригэр көмө, өйөбүл оҥоһулларын туһунан нэһилиэк баһылыга Тимофей Иванов хаһыаппыт саайтын ааҕааччыларыгар эрдэ билиһиннэрэн турар. Оттон соторутааҕыта нэһилиэк олоххо актыыбынай көрүүлээх биир тарбахха баттанар эр хоһууна Руслан Т. баҕа өттүнэн хантараак түһэрсэн, байыаннай дьайыыга аттаммыта. Киниттэн бу күннэргэ олохтоох дьаһалтаҕа уонна бар дьонугар махталын ыытта.
— «Күн киһитэ — көмүскэс, Айыы киһитэ — аһыныгас» диэн саха киһитин үтүө санаатынан салайтарбыт Хорулам дьаһалтатыгар, баһылыкпар Иванов Тимофей Алексеевичка, нэһилиэгим бар дьонугар хантараагынан байыаннай дьайыыга барарбар көмөлөрүн, өйөбүллэрин иһин махтал бастыҥын тиэрдэбин! Эһиги, мин өрүү киэн туттар, ытыктыыр бар дьонум, санаам күүһүгэр күүс эппит үтүөҕүт туохтааҕар да улахан суолталааҕын үчүгэйдик өйдүүбүн. Эһиэхэ үлэҕитигэр улахан ситиһиилэри, дьиэ кэргэттэргитигэр иллээх олоҕу, хаһан да ыарыы ылласпатын, доруобай, дьоллоох-саргылаах олохтонуҥ. Хаһан да сахалыы сайаҕас, аһыныгас санааҕыт самныбакка, сайда, үүнэ турдун диэн алҕаатаҕым буоллун…
Махталы кытта эһиги уолгут.
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Хаарчаана бэлэҕэ"…
Бастыҥ волонтерскай көҕүлээһиннэр уонна устудьуоннар түмсүүлэрэ "Уһук Илин сулуһа" бириэмийэнэн бэлиэтэннилэр. РФ Бырабыыталыстыбатыгар сыл ахсын…
Бэрдьигэстээххэ кырдьаҕастар уонна инбэлииттэр олорор социальнай дьиэлэригэр сэргэх тэрээһин буолла. Саҥа дьылы көрсө манна социальнай…
Бу күннэргэ Дьокуускайга Арчы дьиэтигэр сырдык санааны саҕар ис хоһоонноох дьоро тэрээһин буолан ааста. Бу…
Бүгүн сарсыарда 112 нүөмэргэ 8 чаас чугаһыгар муус анныгар массыына түспүтүн туһунан иһитиннэрии киирбит. ЯСИА…
Ааһан эрэр сыл ахсынньы 18 күнүгэр "Ника" банкеттыыр саалаҕа "Ситим" өрөспүүбүлүкэ көҥүл суруйааччыларын сойууһун уопсастыбаннай…