Хаартысканы Марта Николаева тиксэрдэ
Саха сирин Дархан этээччитэ Валентин Васильевич Хорунов кэргэнин кытта быйылгы улуу Сибиэрэп үбүлүөйдээх ыһыаҕар Сунтаарга анаан-минээн тиийэн кытыннылар.
Кэргэнэ Надеждалыын сахалыы таҥас күрэҕэр уонна оһуокай күрэҕэр кытынна. Валентин Васильевич түһүлгэтин норуот олус таптаан ылынан киирэн үҥкүүлэһэр. Бу да сырыыга хаһан түһүлгэтин таһаарарый диэн сураһыы бөҕөтө буоллулар уонна эппитигэр хотоҕостуу субуллан киирдилэр. Бастыҥ этээччилэри кытары финалга талыллан киирэн Валентин Васильевич дууһалыын сырдаан, норуота өйөөбүтүгэр, күүппүттэригэр ис сүрэхтэн махтанна. Дойдубар 65 сааспар үктэнэн баран, Тойон сүбэ сыанабылын ылан, өссө үөрүүм үрдээтэ диэн үллэһиннэ. Ааттаах этээччи убайдара, Дархан этээччилэр Үс Дьөгүөр, Кураһаай диэн норуокка биллэр этээччилэр кэннилэриттэн, үһүс миэстэни ылан олус үөрдэ. Өссө кыыһа Елена Тараярова үҥкүү тыла этэн, 15 тыһыынча суумалаах сертификатынан бириэмийэлэммититтэн аҕата Валентин Васильевич икки бүк үөрдэ. Эбэтэ Чуораан Дьэлиэнэни ааттатыыһык диэн, санаатын үллэһиннэ.
Онон Түбэйтэн төрүттээх кыыс, аҕа Хоруновтар биир дойдулаахтара улуу киһибит Сэргэй Сибиэрэп үбүлүөйдээх ыһыаҕар ситиһиилээхтик кыттан астыннылар.
Марта Николаева
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…