Хаартыска: PxHere саайтыттан.
Мичиган университетын учуонайдара наар газтаах утаҕынан уонна хот-догтарынан аһылыктанар киһи олоҕо төһө бириэмэнэн кыччыырын (кылгыырын) быһаарбыттар.
Диетолог Луис Альберто Самора ультра-оҥоһуулаах аһылыктар (УПП) киһи уһун олохтонуутугар хайдах дьайалларын, олоҕу төһөнөн кылгаталларын чинчийбит диэн иһитиннэрэр “Аргументы и факты” хаһыат.
Чинчийии түмүгэ көрдөрбүтүнэн, биир хот-догу сиэтэххэ киһи олоҕун уһуна 36 мүнүүтэнэн кылгыыр, онно эбии тэҥҥэ газировканы иһэр буоллаххына, ол кэмиҥ өссө 12 мүнүүтэнэн эбиллэн биэрэр эбит. Ол гынан баран, барыта куһаҕан буолбатах: сорох балык көрүҥнэрэ олоххун 28 мүнүүтэҕэ диэри уһатыахтарын сөп.
Барыта 5800-тэн тахса араас аһы анаалыстаан көрбүттэр. Буортулаахтарынан арыылаах-сыалаах, калорийдаах уонна саахардаах эбиликтэр буолаллара быһаарыллыбыт. Онно биллибитинэн, хот-дог, пицца уонна сыырдаах мохоруон курдук аһылыктар киһи олоҕун кылгаталлар, оттон фрукталар, оҕуруот астара уонна арахис арыылаах, желелээх бутербродтар тупсараллар.
Оннооҕор аһылыкка кыра уларыйыыны да киллэрдэххэ, доруобуйа биллэ тупсуон сөп эбит. Ол курдук ынах этин уонна эттэн оҥоһуллубут астары сиир оннугар фруктаттан уонна оҕуруот аһын аһаатахха, калорийыҥ 10 бырыһыан үрдээн, олоххун 48 мүнүүтэнэн уһатыан сөбө бэлиэтэммит.
Ону тэҥэ чинчийиигэ, бекон алта, чизбургер 9 мүнүүтэнэн олоҕу кылгаталлара биллибит.
Бу күннэргэ Өлүөнэ Эбэҕэ үлэ саамай суолталаах уонна көдьүүстээх көрүҥэ –мууһу эрбээһин уонна хараардыы ыытылла…
Саха сирин ытыктабыллаах олохтоохторо! Ис сүрэхпиттэн бу сырдык күнүнэн, Пасханан эҕэрдэлиибин! Пасха – улуу бырааһынньык,…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Өрөспүүбүлүкэ арҕаа өттүгэр, күнүс соҕуруу…
Чукотка автономнай уокуругар Баимскайдааҕы хайа байытар кэмбинээтин тутуу саҕаланна. Баимскайдааҕы ГОК тутуутун хаамыытын РФ Бырабыыталыстыбатын…
Күн оройо буола оҕуста. Сотору кэминэн улахан оҕолоро оскуолаттан кэлиэхтэрэ. Аҕалара эбиэттии кэлиэ. Бэйи эрэ,…
Ил Дархан Айсен Николаев Аҕа дойду Улуу сэриитин кыттыылааҕар Николай Иванович Афанасьевка "Саха Өрөспүүбүлүкэтин бочуоттаах…