Хоточчу отчуттара тиэхиньикэлэрин арыыттан туораттылар (видео)

Бу күннэргэ Хаҥалас Хоточчутугар арыы сиргэ бу сайын паромунан оттуу киирбит дьон көлөлөрүн төттөрү көһөрөн таһаардылар.

Бу туһунан Хоточчу нэһилиэгин бибилэтиэкэрэ Лира Яндреева кэпсээтэ:
— Уолаттарбыт тыраахтырдарын өрүс боротуохатын уута түһэрин өр да өр кэтэһэн, дьэ бу күннэргэ бэтэрээ биэрэги буллардылар. Тыа сиригэр от-мас тиэйиитин үлэтэ дэриэбинэҕэ тиэхиньикэ суоҕуттан атахтанан, тохтуу сырытта. Хата, отчуттар «быйыл уу син түстэ» диэн үөрэллэр. Былырыын ууну тэбистэрэн тахсыы кыаллыбакка, арыыга хаалбыт тиэхиньикэни сэтинньигэ тоҥоруу буолбутун эрэ кэннэ таһаарбыттара.
Онон Хаҥалас Хоточчутун отчуттара тиэхиньикэлэрин быйыл эрдэлээн таһааран, тыа сиригэр кыстыкка киирии үлэтэ мантан инньэ тэтимнээхтик ыытыллыаҕа

Видео-устууну көрүҥ