Хаартыска А.Е.Кулаковскай-Өксөкүлээх Өлөксөй аатынан норуоттар доҕордоһууларын дьиэтэ
Алтынньы – Хотой Айыы ыйа. Бэрт сэргэх тэрээһин Өксөкүлээх Өлөксөй аатынан норуоттар доҕордоһууларын дьиэтигэр ыыттылынна.
Хотой Айыы домун Лукина Ирина Егоровна – Уйусхаана кэлбит дьоҥҥо толоттордо. Айыы холумтанын, туттар тэрилин туһунан билиһиннэрдэ. Айыы холумтана сэттэ ытык маллаах: сандалы, сэргэ,чороон, көмүлүөк, чуораан, дэйбиир, туймуу. Айыы холумтана саха ыалын ытык миэстэтэ. Уйусхаана Айыы холумтанын үөрэҕин хас биирдии киһи билиэхтээҕин, күүскэ тарҕатары сүбэлээтэ.
Бэйэтэ 300 тахса туому оҥорорун кэпсээтэ. Алтынньы ый түмсүүлээх, тэрээһиннээх олох тускута олохтонор. Онон куту-сүрү күүһүрдэбит, түмсүүнү, тэрээһини төрүттээн олоххо сыһыарабыт. Хотой Айыы тойуга, ырыата, оһуохайа дуорайда.
Вера Владимировна уонна Рустам Леонидович Федоровтар Намтан кэллилэр. Кинилэр илиилэринэн тутан-хабан бэйэлэрэ оҥорбут сахалыы оонньууларын көрдөрдүлэр. Айылҕа көстүүлэринэн айыллыбыт оонньуу саха киһитигэр чугас буолара мэлдьэҕэ суох. Салгыы Ольга Петровна Тарасова оҕуруонан оҥорбут саха дьахтарын киэргэлин билиһиннэрдэ.
Дьон-сэргэ тэрээһиҥҥэ астына-дуоһуйа сынньанна. Көрсүһүү оһуохайынан түмүктэннэ.
А.Е.Кулаковскай — Өксөкүлээх Өлөксөй аатынан норуоттар доҕордоһууларын дьиэтин пресс-сулууспата
Тохсунньу 25 күнүгэр Арчы дьиэтигэр өрөбүллээҕи Оһуокайбыт буолла. Бүгүҥҥү алгыстаах Оһуокай Сунтаар улууһугар ананна. Сунтаар…
600-тэн тахса киһи олорор Мытаах нэһилиэгэр “Аартык”, “Дүөдэ”, “Дьөлөккөн” түөлбэлэр бааллар. Күннэтэ олохпут уларыйар, сайдар…
Дьокуускай куорат 13 нүөмэрдээх оскуолатыгар Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи сылларын…
2025 сыллаахха олунньу саҥатыгар СӨ бырабыыталыстыбата өрөспүүбүлүкэҕэ 2030 сылга диэри туризмы сайыннарыы стратегиятын бигэргэппитэ. …
Үөһээ Бүлүү улууһун Өргүөт нэһилиэгин олохтоохторо байыаннай дьайыыга сылдьар хорсун буойуттарын өйүүллэр, кинилэр үтүө көмөлөрө…
Билии чыпчаалын баһылаабыттар ааттара билиннэ. "Кубок знатоков наслега" түмүктэннэ! Бу туһунан биһиэхэ Өспөхтөн бибилэтиэкэр Сайыына …