Хаартыска: ааптар түһэриитэ.
Бүгүн Дьокуускай куорат олохтоохторо Хомсомуол болуоссатыгар тоҕуорустулар.
Манна үс күн устата, алтынньы 25-27 күннэригэр “Рыба Якутии” атыы-эргиэн дьаарбаҥката ыытыллар. Булуҥ, Усуйаана, Аллайыаха, Аллараа Халыма, о.д.а. улуустартан 26 тэрилтэ кэлэн, балык арааһын атыылыы тураллар. Тоҥ да баар, ыыһаммыт да баар, тууһаммыт да баар. Булуҥ киилэтэ 1500 солк. аарыма хатыыһа бу түүн үгүс куорат олохтооҕун түүлүгэр киирэр буолуохтаах.
Сыана араас, Булуҥ тууһаммыт тууччаҕын киилэтэ 2270 солк., чыыр — 960 солк, уомул – 745 солк. Аллараа Халыма ыыһаммыт чыырын көхсө киилэтэ 1400 солк., муксуун дьуухалата 100 гр – 410 солк. Тууччах дьуухалатын киилэтэ 2250 солк. Аллайыаха чыырын киилэтэ 750 солк.
Күндүөбэй киилэтин сыаната 300 солк., быраҥаатта – 300 солк. Сыана, биллэн турар, тэҥ буолбатах, халбаҥныыр. Сорох сиргэ бу балыктар 400 солк. буолаллар.
Варвара Эверстова, куорат олохтооҕо: “Бүгүн сүрдээх үчүгэй күн буолбут, онон араас улуустартан кэлбит балыгынан дьарыктанар хаһаайыстыбалар бородууксуйаларын тутан-хабан көрө-истэ сылдьабыт. Балык бөҕөтүн аҕалбыттар, мин Булуҥ үчүгэй баҕайы күндүөпкэтин атыыластым. Ньидьили соботун көрдүү сылдьабын, баар буоллаҕына хайаан да атыылаһыам.
Сорохтор балыгы наһаа сыаналаах дииллэрин истэн аһардым, ол эрээри үпкэ-харчыга үлэлээбит буолан өйдүүбүн. Биһиги сирбит-уоппут наһаа киэҥ, аҥардас балыгы ууттан хостоон тиэйэн аҕаларга ГСМ сыанатын, Уһук Хоту дойдуттан сөмөлүөтүнэн көтүтэн аҕалыыны, морозильникка ууран турары барытын аахтахха итиччэ сыана тахсан кэлэр. Сахабыт сирин туруу үлэһит, олохтоох аһы дэлэтэ сылдьар дьоммутун өйүөҕүҥ. Куорат олохтоохторугар бу курдук сыл аайы кэлэн, олохтоох аһы дэлэччи тардан кэбиһэргитигэр барҕа махтал! Икки күн куорат дьоно бэйэҕит дойдугут сибиэһэй балыгын атыылаһыҥ, Саҥа дьылга хаһааныҥ”.
Усуйаана улууһун Тумат сэл. “Чондон” СПК КРО баһылыга Александра Колесова: “Чыыр, майаҕас, быраҥаатта аҕаллыбыт. Чыыртан стейк оҥоробут, ону төһө баҕарар бэйэҕит тууһуоххутун, тоҥнуу сиэххитин, ыһаарылыаххытын, хайдах баҕарар сиэххитин сөп. Быйыл балык үчүгэй, элбэх, “шоковай” тоҥоруунан харайабыт, сөмөлүөтүнэн көтүтэн аҕаллыбыт. Бастакы күн да буоллар, атыыбыт бэркэ баран эрэр”.
Сарсын, алтынньы 26 күнүгэр, тоҥ балыгы кыһан, дьоҥҥо-сэргэҕэ атыылыахтара, онтон киирбит үбү байыаннай дьайыы туһатыгар ыытыахтара.
Арҕааҥҥылары Зеленскэй эҥин араастык сордоон-муҥнаан сэриигэ кыттыһыннара сатыыр. https://t.me/sakhasire20/46123
Соторутааҕыта Таатта улууһун Чычымах сэлиэнньэтигэр ититэр ситим тыраассатын саҥардан оҥоруу киин ититэр ситими саҥардыыга ситиһиилээх…
Бэчээттиир станок айыллыбыта үйэ аҥаара ааспытын кэннэ, 1501 сыллаахха Гутенберг кырасыабай курсива айыллыбыт. Аан бастаан…
Ыччат каадырга киинэ бүгүн, алтынньы 25 күнүгэр, үөрүүлээх быһыыга-майгыга арылынна. Уһук Илиҥҥэ аан бастакы киин…
Дьокуускайга Ойуунускай уулусса 20/1 дьиэтэ 45 сыллааҕыта тутуллубута. Саха Өрөспүүбүлүкэтигэр Элбэх кыбартыыралаах дьиэлэри хапытаалынайдык өрөмүөннээһин…
Социальнай ситимнэринэн Птицефабрика оройуонугар видео тарҕаммыт. Ролик ааптардара Дьокуускай таһыгар хаарга тыҥырахтаах атах суолун тыатааҕы…