Хаартысканы Марта Николаева тиксэриитэ
Өрөспүүбүлүкэтээҕи национальнай библиотека краеведческай отделын тэрийиитинэн, Арассыыйаҕа Дьиэ кэргэн сылынан Маргарита Егоровна, Василий Степанович Винокуровтары кытары көрсүһүү буолла.
Винокуровтар өрөспүүбүлүкэҕэ түөрт хотугу улуустарга оҕо иитиитигэр, тыа хаһаайыстыбатын сайдыытыгар сөҕүмэр улахан кылааты киллэрбит ыал буолаллар. Куоракка көһөн кэлэн баран, Маргарита Егоровна уонна Василий Степанович бэйэлэрэ үлэлээбит салааларынан научнай үлэни көмүскээн, Маргарита Егоровна педагогическай, онтон Василий Степанович тыа хаһаайыстыбатын наукатын кандидаттара буолбуттара.
Библиотека үлэһиттэрэ бу дьиэ кэргэн суруйууларынан уонна кинигэлэринэн быыстапка оҥорбуттара дьон болҕомтотун тарта. Маргарита Егоровна научнай үлэтин таһынан суруналыыс быһыытынан киэҥник биллэр. Күн бүгүнүгэр диэри икки тылынан суруйар улахан дьоҕурдаах суруналыыс. Василий Стеапанович саха сылгыта, ынаҕа племенной сайдыытыгар улахан кылааты киллэрбит учуонай уонна салайааччы. Бу дьиэ кэргэн үлэлээбит улуустарын кытары ситимнэрин быспаттар. Өймөкөөҥҥө олоҥхо ыһыаҕар үбүнэн-харчынан көмөлөспүттэрэ.
Үтүө илгэлээх дьиэ кэргэни СӨ үөрэҕин миниистирин солбуйааччы В.Захарова, тыа хаһаайыстыбатын миниистирин солбуйааччы П.Николаев, Ил Түмэн депутата Е.Христофорова, Хотугулуу Илиҥҥи федеральнай университет президенэ Е.И.Михайлова, о.д.а кэлэн эҕэрдэлээтилэр.
Ыал аҕа баһылыга В.С.Винокуров университекка үөрэх сайдыытыгар кылаатын иһин Евгения Исаевнаҕа махтанна. Кэргэнэ Маргарита Егоровнаҕа айар үлэтигэр көмөтүн иһин махтанна.
Үтүө ыалларбыт олохторо барыбытыгар холобур. Дьиэ кэргэн сылынан бастыҥ ыалларбыт этэҥҥэ олоруҥ!
Марта Николаева
Абый улууһугар сеймсологическай түгэн буолбутун туһунан Дьокуускайдааҕы филиалга “Билим Арассыыйатааҕы академиятын единэй геофизическэй сулууспата” киин…
Өрөспүүбүлүкэ икки сэлиэнньэтигэр саҥа култуурунай-спортивнай комплекстар аһылыннылар. Бу туһунан Ил Дархан Айсен Николаев МАКС-сыһыарыыга ханаалыгар…
Аҕа дойду Улуу сэриитин бэтэрээнэ Петр Константинович Яковлев олохтон туораата. Бу туһунан СӨ Үлэҕэ уонна…
Сокуоннай сааһын туола илик оҕо ийэтэ, оҕо быраабын көмүскүүллэригэр суруйбут суругунан Кэбээйи улууһун борокуратуурата бэрэбиэркэ…
Москва куорат оҕо быраабыгар боломуочунайа Ольга Ярославская бэс ыйыгар оҕолору үөрэтиэххэ баар этэ диэн эппит.…
Усуйааанатааҕы суол учаастагын производственнай баазатын гарааһыгар биир сонун ыалдьыттаннылар. "Дороги Арктики" тэрилтэ Уус Куйгаҕа баар…