Кулун тутар 26 күнүгэр “Профессионаллар” идэ маастарыстыбатын чөмпүйэнээтин дьыалабыай бырагырааматын иитинэн, идэҕэ үөрэтии бырагырааматын олоххо киллэриигэ Дьааҥы улууһун Баатаҕай бөһүөлэгэр орто анал үөрэх тэрилтэлэрин салааларын арыйыынан “төгүрүк остуол” буолан ааста.
Ол курдук, Арктика оробуочай каадырдары бэлэмниир киин, Нерюнгритааҕы мэдиссиинэ кэллиэһэ, Дьааҥы улуустааҕы киин балыыһата уонна улуус дьаһалтата мэдиссиинэ үлэһиттэрин бэлэмнээһин бырагырааматын ситимнээх көрүҥүн олоххо киллэрии туһунан түөрт өрүттээх сөбүлэҥҥэ илии баттастылар.
Докумуоҥҥа олоҕуран, Арктика оробуочай каадырдары бэлэмниир киин Дьааҥытааҕы баазатыгар “эмчит дьыалата”, “сиэстэрэ дьыалата” исписээлинэстэргэ устудьуоннары үөрэтиэхтэрэ. 15 бүддьүөт миэстэтигэр күнүскү көрүҥҥэ икки кыра бөлөхтөрү ылар былааннаахтар. Үөрэххэ туттарсыы докумуонун бэс ыйын 1 күнүттэн ылыахтара. Преподавателлэр састааптара тустаах киин уонна Дьааҥы улуустааҕы киин балыыһатын үлэһиттэриттэн түмүллүөҕэ.
Итини сэргэ, бу күн педагогическай каадыры бэлэмнээһиҥҥэ Арктика оробуочай каадырдары бэлэмниир киин, И.Е. Винокуров аатынан Намнааҕы педагогическай кэллиэс, улуустааҕы үөрэх управлениета бииргэ үлэлэһии боротокуолугар илии баттастылар. Сыала – кэллиэс үөрэтэр исписээлинэстэринэн, ол иһигэр “оскуола иннинээҕи үөрэхтээһин”, “алын кылаас учуутала”, “эбии үөрэхтээһин педагога” хайысхаларынан педагогическай каадырга ирдэбили быһаарыы.
— Дьааҥы улууһугар мэдиссиинэ уонна үөрэх каадыра тиийбэт кыһалҕата ордук биллэр. Бу түһэрсибит сөбүлэҥмит исписэлиистэри бэлэмниир кыаҕы кэҥэтиэҕэ уонна Арктика оройуоннарыгар мэдиссиинэҕэ, педагогикаҕа исписэлиистэр тиийбэттэрин толороругар эрэнэбин, — диэн Арктика оробуочай каадырдары бэлэмниир киин дириэктэрэ Мира Лебедева бэлиэтиир.
Арктика оробуочай каадырдары бэлэмниир киин суруйар.
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…