Хаартыска: sakha.gov.ru
Арассыыйа күнүгэр куйаартан Арассыыйа Дьоруойа Олег Кононенко, куйаарга 1000 суукканы быһа сылдьыбыт соҕотох космонавт, Кындыкаан куукулатын тутан турар бэртээхэй хаартыскаларын “Кындыкаан” айар түмсүү бөлөҕө тутта диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
“Кындыкаан” бырайыак киһи үтүөнү түстүүр баҕа санаата туоларын холобура буолар. Куйаар киһи аймах ыра санаатын сүрүн бэлиэтэ, оттон Кындыкаан куукалка култуурунай нэһилиэстибэни чөл тутан хаалларар, кэлэр көлүөнэлэри ыраахха угуйар баҕа санааны көрдөрөр.
Санатан эттэххэ, хоодуот Кындыкаан космическай ыстаансыйаҕа ыам ыйын 30 күнүгэр «Прогресс МС-27» хараабылынан көппүтэ. Бэс ыйын 1 күнүгэр кинини космонавтар Олен Кононенко, Николай Чуб уонна Александр Гребенкин көрсүбүттэрэ. Бу космическай көтүү чэрчитинэн “Азия оҕолоро” оонньуулар кыттыылаахтарыгар анаан видеонан иһитиннэрии суруллара былааннанар.
“Биһиги Кындыкааммыт куйаарга көтүүтэ төрүт олохтоох омуктарга эрэ буолбакка, киһи аймахха барытыгар улахан суолталаах түгэнинэн буолар! Хоту дойду биһиги олорор Сирбит саамай тутаах акылаата. Биһиги көхтөөх, айар-тутар ыччаппыт көмөтүнэн глобализация кэмигэр култуурунай нэһилиэстибэни, ону кытта Хоту сир, Арктика, Уһук Илин айылҕатын чөл тутан хаалларар боппуруостарга болҕомтобутун туһаайабыт. Куйаарга тиийбит Кындыкаан куукула оонньуур эрэ буолбатах, кини хотугу норуоттар үгэстэрин, мэҥэ сыаннастарын бэлиэтэ буолар. Биһиги, Хоту сир дьоно, барыбытын кэрэһилиир хорсун кыыспыт көтүүтүн алҕаабыппыт”, — диэн санаатын үллэстэр СӨ Аҕыйах ахсааннаах норуоттар ассоциацияларын баһылыктарын Сэбиэтин бэрэссэдээтэлэ, эбээн норуотун бэрэстэбиитэлэ, “Северянка” Хоту сир уонна Арктика норуоттарын дьахталларые уопсастыбаннай тэрилтэлэрин бэрэссэдээтэлэ Татьяна Сивцева.
Бүгүн, ахсынньы 21 күнүгэр, өрөбүллээҕи Оһуокайбытыгар Эҥсиэли түмсүүтүттэн инники кэскиллэрбит, ыччаттар киирэн алгыстаах Оһуокай түһүлгэтин…
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…