архыып
Улуустар окко кииритэлээн эрэллэр. Сир-сир аайы от үүнүүтэ араас.
Бүлүү улууһун отчуттара эмиэ ходуһаларга кииритэлээн эрэллэр. Быйыл бу улуус 23182 т оту бэлэмниэхтээх.
— Былырыын улуус отчуттара 24000 тахса оту чөкөппүттэрэ. Быйыл сүөһү ахсаана эҥин кыратык аччааһынынан, ааҕынан-суоттанан 23182 т кэбиһэр былааннаахпыт. Сиилэс былаана – 1000 т, сенаж – 400 т. Биллэрин курдук, Бүлүү улууһугар тымныы сайын буолла. Хоту сытар нэһилиэктэрбитигэр онон от үүнүүтэ мөлтөх. Сорох сирдэргэ от суох, сорох сирдэргэ ардах таба түспэтэ, онон тараҕайдаан кэбистэ. Лөкөчөөнтөн, Хаҕынтан, Үгүлээттэн былаан аҥаарын эрэ толорор кыахтаахпыт диэн акталары түһэрдилэр. Аны кэнники күннэргэ ардахтар мэһэйдээтилэр. Ол да буоллар, улахан хаһаайыстыбалар уонна моой отчуттар тэрээһиннээхтик кииритэлээн эрэллэр. Билиҥҥи туругунан 54 т оту кэбистибит, былырыын баччаҕа 243 т этэ. Күн туран эрэ биэрдэр былааммытыттан 83 быр. оттуохпут диэн эрэнэбит. Атырдьах ыйыгар ыраах оттуур мобильнай биригээдэлэрбит оттуу барыахтара диэн эрэнэбит. Өрүскэ эмиэ уу элбэх, арыыга сытар сирдэр ууга тураллар. Улууспутугар оттооһуну сүрүннүүр суһал штабы тэрийбиппит. Онон ыраах сытар нэһилиэктэрбитин кэрийэбит, — диэн иһитиннэрдэ Бүлүү улууһун тыа хаһаайыстыбатын управлениетын начаалынньыга Павел Иннокентьев.
Хаартыска: архыыптан
Бу нэдиэлэҕэ суут бириистэбигэр иэһин төлөөбөтөх киһи ханна баар буолуоҕун сөбүн туһунан иһитиннэрии киирбит. Бу…
Бүгүн, от ыйын 18 күнүгэр, Саха сирин сорох улуустарыгар +32 кыраадыс буолара күүтүллэр диэн УГМС…
От ыйын 17 күнүгэр Алдан оройуонун Томмот бөһүөлэгэр сымыыт саҕа тобурах түстэ. Бастаан ардах түспүт,…
Бүгүн СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников салайааччылах оробуочай бөлөх Өймөкөөн улууһугар үлэлээтэ. СӨ…
Арассыыйа устун айаны табыгастаах уонна куттала суох оҥоруу – «Туризм уонна ыалдьытымсах буолуу» национальнай бырайыак…
Байыаннай дьайыы бэтэрээнэ Марк Белолюбскай "Аҕа дойдуну көмүскээччилэр" пуонда филиалын көмөтүнэн бэйэ дьыалатын тэринэр. Дойдутугар…