ЫБММ архыыбыттан
Кирилл Бычков баһаары умуруорууга суһал ыстаап мунньаҕын ыытта. Бырабыыталыстыба бэрэссэдээтэлэ хотугу улуустарга баһаары умуруорарга күүһү түмэргэ соруйда.
Үөһээ Халыма уонна Орто Халыма улуустарыгар бэс ыйын 17 күнүн киэһэтигэр 3 тыһыынча гаа иэннээх 8 ойуур баһаара умайар. Онон онно быыһааччылары, баһаарынайдары илдьэр Ми-8 МТВ бөртөлүөтү көтүтэргэ быһаардылар.
Дьааҥыга 2,8 гаа иэннээх сиргэ 3 ойуур баһаара умайар. Биир баһаар Бөтөҥкөс сэлиэнньэтиттэн чугас баар. Нэһилиэнньэлээх пууҥҥа киирэр куттала суох, Адыаччы өрүс анараа өттүгэр умайар. «Авиалесоохраны» 10 үлэһитэ уонна анал бөлөх 10 үлэһитэ бардылар.
Томпоҕо 60 тыһыынча гаа иэннээх сиргэ 10 ойуур баһаара умайар. Хаандыга уонна Теплый Ключ икки ардыгар баар улахан баһаары умуруорууга сүүсчэкэ киһи үлэлии сылдьар. Эбии 20-чэ баһаарынай тиийиэҕэ. «Якутскэнерго», «Саханефтегазсбыт» тэрилтэлэр икки вездеходу ыыттылар. Бүгүн анал тэриллэри, бородууктаны илдьэ Ми-8 МТВ бөртөлүөт көтөн тиийдэ.
Томпо, Өлүөхүмэ оройуоннарыгар ыксаллаах быһыы-майгы эрэсиимнэрэ үлэлииллэр. Өлүөхүмэҕэ улахан баһаардары умуруоран, 23 тыһыынча гаа иэннээх сиртэн 3 тыһыынча гаа иэннээх буолла. Аммаҕа баар баһаары умуруордулар.
Уус Маайаҕа 6 баһаар баар, ыксаллаах быһыы-майгы эрэсиимэ биллэриллибитэ. Манна 100-тэн тахса киһи үлэлиир. Нэһилиэнньэлээх пууҥҥа киирэр куттала суох. Мантан ыла баһаары умуруорууга өссө күүһү түмүөхтэрэ. Билигин баһаары умуруорууга 800 киһи, 36 тиэхиникэ, авиация үлэлиир. Зондировщик-сөмөлүөттэр үлэлииллэр. 250 киһи атын эрэгиийэннэртэн кэлэн үлэлии сылдьар. Бурятияттан, Иркутскай уобаластан парашютистар кэлбиттэрэ.
Ил Дархан, бырабыыталыстыба пресс-сулууспата.
Чукотка автономнай уокуругар Баимскайдааҕы хайа байытар кэмбинээтин тутуу саҕаланна. Баимскайдааҕы ГОК тутуутун хаамыытын РФ Бырабыыталыстыбатын…
Күн оройо буола оҕуста. Сотору кэминэн улахан оҕолоро оскуолаттан кэлиэхтэрэ. Аҕалара эбиэттии кэлиэ. Бэйи эрэ,…
Ил Дархан Айсен Николаев Аҕа дойду Улуу сэриитин кыттыылааҕар Николай Иванович Афанасьевка "Саха Өрөспүүбүлүкэтин бочуоттаах…
Улуу Кыайыы өрөгөйдөөх күнүгэр Ийэ дойдуларын көҥүлүн күөннэринэн хаххалаан көмүскээбит, итии хааннарын тохпут буойун суруналыыстар…
Бүгүн, муус устар 19 күнүгэр, сарсыарда Уус Алдан улууһун Балыктаах сэлиэнньэтигэр Васильев уулуссатыгар дьиэ умайа…
П.Чайковскай аатырбыт муусукатыгар «Щелкунчик» балеты дьиэ кэргэнинэн сөбүлээн көрөллөр. Оҕолор бу остуоруйа судургу сюжетын ордороллор.…