Хоту улуустарга быыбардыыр учаастактар сабылыннылар

Олохтоох бириэмэнэн 20:00 чааска, Дьокуускай бириэмэтинэн 18:00 чааска Абый, Үөһээ Халыма, Муома, Орто Халыма улуустарыгар — Халыма-Индигиир биир мандааттаах быыбардыыр уокурукка баар 32 учаастак сабылынна.

Аллайыахаҕа уонна Аллараа Халымаҕа 10 быыбардыыр учаастак эмиэ сабылынна. Манна улуус баһылыгын быыбардара буолаллар.

Өймөкөөҥҥө 16 учаастак, Дьааҥыга 7 учаастак 19:00 чааска сабыллыахтара.

Оттон 20 чааска хаалбыт 121 учаастак сабыллыаҕа.

Сотору кэминэн быыбардыыр учаастактарга куоластары ааҕыы саҕаланыаҕа.