«Арктика суоллара» тэрилтэ иһитиннэрэринэн, «Индигир» 701 км айан суолунан Дьааҥы, Индигиир, Верхоянье, Муома, Булуҥ, Уус Куйга – Депутатскай – Үрүҥ Хайа уонна Киэҥ Күөл учаастагынан Алаһыайынан кыһыҥҥы мууһунан суоллара муус устар 22 күнүгэр сабыллара былааннанар диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
Хонтуруолунай бэрэбиэркэ кэнниттэн «Верхоянье» айан суолун 147 км учаастагар Суордаах сэлиэнньэтинэн «Сэбээн» айан суолунан сырыы сабыллан турар.
Оттон Орто Халыма – Эбээх сэлиэнньэлэрин учаастагыгар «Арктика» уонна «Алаһыай» («Алазея») кыһыҥҥы суоллар муус устар 25 күнүгэр сабыллаллара былааннанар. Билиҥҥи туругунан бу ааттаммыт суолларга 20 туоннаҕа диэри уйуктаах массыыналар сылдьыахтарын сөп, ол кэннэ муус устар 19 күнүгэр мууһунан сылдьар тиэхиньикэлэр ыйааһыннарын 10 туоннаҕа диэри намтатыахтара.
Муус устар 15 күнүттэн 10 туоннаҕа диэри маннык кыһыҥҥы суолларга тиэхиньикэ ыйааһына намтатылынна:
«Дьааҥы» айан суолун Тополинай – Аллараа Дьааҥы учаастагар уонна эргиир суолларыгар;
«Индигиир» айан суолун Уус Ньара – Чокурдаах учаастагар уонна эргиир суолларыгар Русское Устье, Нычалаах уонна Чкалов нэһилиэнньэлээх пууннарыгар киирэр учаастакка;
«Верхоянье» айан суолун Дьааҥы – Баатаҕай Алыыта учаастагар уонна онно эргийэр суолларга;
«Алаһыай» айан суолун Киэҥ Күөл – «Индигиир» айан суолун 701 км;
«Муома» айан суолун Хонуу – Сааһыыр учаастагар;
«Уус Куйга – Депутатскай – Үрүҥ хайа» айан суолун Депутатскай –Сыаганнаах – учаастагар «Индигиир» айан суолун 589 км;
«Булуҥ» айан суолун Севернай – Булуҥ оройуонун кыраныыссата.
Бүгүн, ыам ыйын 17 күнүгэр, Амма улууһугар Олоҥхо ыһыаҕын тэрийэр кэмитиэт мунньахтаата. СӨ Бырабыыталыстыбатын бэрэссэдээтэлин…
2024 сылга Саха сиригэр 76 социальнай эбийиэги тутары былаанныыллар. Олор истэригэр сорох тутуулар национальнай бырайыак…
Бүгүн Кэбээйи улууһун дьаһалтатын социальнай хантараагынан судаарыстыбаннай социальнай көмөнү оҥорууга хамыыһыйа быйылгы сыл 4 ыйынааҕы…
Былырыын Чурапчы улууһугар түөрт оҕоҕо бэйдиэ сылдьар ыттар саба түһэн эмсэҕэлэппиттэрэ. Бэйдиэ сылдьар ыттары көрүүгэ-истиигэ…
Өлүөнэ өрүскэ муус хойуутук устан Дьокуускай, Нам, Мэҥэ Хаҥалас оройуоннарынан ааһар. Уу таһыма Кангаласс микро-оройуонугар…
Бүгүн Ил Дархан Айсен Николаев Арассыыйа-Кытай ЭКСПО-ҕа РФ бэрэсидьиэнэ Владимир Путиҥҥа уонна Кытай норуодунай өрөспүүбүлүкэтин…