«Хотугу кустук» — оҕолор быыстапкалара

О.П.Иванова — Сидоркевич аатынан Амматааҕы айар сайдыы киинэ  сылын аайы үгэскэ кубулуйбут «Хотугу кустук» Амма улууһун талааннаах оҕолоро илиилэринэн оҥоһуктарын, оҕо айан таһаарбыт үлэлэрин мунньан быыстапкалыыр.

Быйылгы быыстапка Аҕа дойду сэриитигэр Кыайыы  80, Арассыыйаҕа Аҕа Дойдуну көмүскээччи, Саха сиригэр Ийэ дойдуну көмүскээччилэр сылларыгар ананна. Ыам ыйын 16-20 күннэригэр  уопсайа 8 оскуола үөрэнээччилэрэ, 2 эбии үөрэхтээһин  дьиэтин иитиллээччилэрэ  90 оҕо 130 үлэтэ  20 көрүҥҥэ таҥыллан түмүлүннэ. Дьүүллүүр сүбэҕэ Амматааҕы оҕо искусствотын оскуолатын преподавателлэрэ Жиркова К.Н., Захарова Т.А. сыаналаатылар.

Саамай элбэх үлэ маска уруһуй, баайыы, таҥаска уруһуй, мас оҥоһуктар  уонна Кыайыы 80 сылыгар анаммыт макеттар, аҕыйах үлэ ювелирнай уонна муостан кыһан оҥоһуктар буоллулар. Ол курдук сылын аайы оҕо айымньылаах үлэтин сайыннаран быыстапкаҕа кытыннарар педагогтарбыт Колосова Нь.М., Абрамова Н.И., Борохина С.Ю., Уваровская С.П., Спиридонова М.Д., Данилова М.И. буолаллар. Кинилэр оҕолоро «Техноград», «Эдэр профессионаллар» уонна да атын араас таһымнаах куонкурустарга, күрэстэргэ ситиһиилээхтик кытталлар.

Оҕолорбут илиинэн оҥоһуктарын хомуйан быыстапкалыыбыт, биһириибит, бэлиэтиибит. Тэрилтэбит ВКонтакте страницатыгар быыстапка кыттыылаахтара оҥоһуктарын оҥорон көрдөрөр маастар-кылаас видеотын ыыттылар. Ону тэҥэ «МаркетСкиллс» куруһуок (салайааччы Семенова О.А.) иитиллээччилэрэ Айыына Давыдова 9 кылаас, Слава Данилов, Валера Борисов 5 кылаас үөрэнээччилэрэ оҕону үөрэтэр диэн сыаллаах мыыла өрөр, гипсэнэн оҥоһук кистэлэҥнэрин арыйар маастар кылаас ыытан холонон көрдүлэр.  Эдэр кэскиллээх, уус-уран көрүүлээх, сахалыы толкуйдаах, талааннаах оҕолорбутугар ситиһиилэри, сөбүлүүр дьарыккытын сайыннара тураргытыгар баҕарабыт.

Вероника Давыдова,

О.П.Иванова-Сидоркевич аатынан Амматааҕы айар сайдыы киин методиһа.

Хаартыскалар:  Вероника Давыдова тиксэриилэрэ