Хотугу пуорум пленарнай сиэссиэйэтэ аан дойдуга Арктика тиэмэтэ олус наадалааҕын көрдөрдө

Алтыс Хотугу пуорум пленарнай сиэссиэйэтэ аан дойдуга Арктика тиэмэтэ олус наадалааҕын көрдөрдө.

Пуорумҥа сүрүннээн Арассыыйа Арктикатааҕы уонна хотугу эрэгийиэннэрин 170 тахса бэрэстэбиитэлэ, Кытай, Норвегия, АХШ, Камерун, Монголия, Индия, Дания, Бразилия эспиэртэрэ кытыннылар. Маннык дьоһун састаап Арктикаҕа интэриэс улаатарын, оттон Саха сирэ Арассыыйа Бэрэсидьиэнэ ыйбыт стратегическай соруктарын торумнуур кыахтаах эрэгийиэнинэн буолар.

Пленарнай сиэссийэҕэ тырааныспар тиһигиттэн энергетиканы саҥардыыга, норуоттар икки ардыларынааҕы научнай бииргэ үлэлээһинтэн уонна төрүт норуоттар култуураларын харыстааһыҥҥа тиийэ. Дьүүллэһии сэргэхтик уонна чиэһинэйдик барда.
Тыл этиибэр мин Саха сирин тутаах бырайыактарын билиһиннэрдим. Олор Арктика сайдыытын уонна дьон олоҕун хаачыстыбатын бигэ оҥороллор. Бу «Мохэ-Найба» тырааныспар көрүдүөрүн уонна Найба дириҥ уулаах пуордун оҥоруу, Арктикаҕа дьоҕус кыамталаах атом ыстаансыйатын тутуу, «Синергия Арктики» бырайыак.

Бу сиэссийэ Хотугу пуорум Арктика кэскилин дьүүллэһиигэ норуоттар икки ардыларынааҕы аптарытыаттаах былаһаакканан буолбутун бигэргэттэ. Бары кыттааччыларга сэргэх ыйытыыларгыт, этиилэргит иһин махтанабын. Саха сирэ Арассыыйа стратегическай эрэгийиэнин быһыытынан бэйэтин кыаҕын салгыы бөҕөргөтүөҕэ.

#Бары бииргэИннибит диэки

Ил Дархан Айсен Николаев тг-ханаалыгар суруйуутуттан.