Хаартыска: СИА
Ил Дархан Айсен Николаев ааспыт сылга үлэ түмүгэ таһаарыллыбыт уонна 2025 сыл үлэ торумнара ылыныллыбыт Хотугу пуорум үлэтин боппуруостарын дьүүллэһиигэ сүбэ мунньаҕы тэрийэн ыытта.
Айсен Николаев Хотугу пуорум хотугу эрэгийиэннэр уопуттарын үллэстиигэ уонна быраактыкаларын уларытыыга аан дойдутааҕы былаһаакка буоларын ааттаата. «Пуорум сүрүн соруга — Арктикаҕа олох усулуобуйатын тупсарыыга аан дойду бастыҥ ньымаларын туһаныы. Билигин бу үлэни кэҥэтэн, аан дойдутааҕы бииргэ үлэлээһини уонна научнай-үөрэх көҕүлээһиннэрин сайыннарыахха наада»,-диир Айсен Николаев.
Кини бу хайысхаҕа М.К. Аммосов аатынан Хотугулуу Илиҥҥи федеральнай университет (СВФУ) улахан суолталааҕын бэлиэтээтэ. Үөрэх кыһатын кытта Арктиканы чинчийиигэ Арассыыйатааҕы-Азиатскай консорциум (РАКАИ) тэриллибит. Бу тэрилтэ Кытай, Арассыыйа, Индия уонна Индонезия үөрэх кыһаларын уонна билим эйгэлэрин холбуур. Пуорум Арктика бигэтик сайдыытын дьоһуннаах соруктарын быһаарар, килиимэт уларыйыытын дьайыытын чинчийэр уонна кэскиллээх экэнэмиичэскэй бырайыактары оҥорон таһаарар.
«Бүгүн Хотугу пуорум уонна РАКАИ норуоттар икки ардыларынааҕы бииргэ үлэлээһиннэр саҥа хайысхаларын көҕүлүүр, онон салгыы сайдыыны уонна өйөбүлү эрэйэр. Хотугу пуорум Арктика сайдыытын уһун болдьохтоох стратегиятын оҥорор. Саха сирэ Арктика бэбиэскэтигэр аан дойдутааҕы бииргэ үлэлээһиннэргэ лидеринэн хаалыа диэн эрэнэбин», — диэн бэлиэтээтэ Айсен Николаев.
Хотугу пуорум толорооччу дириэктэрэ Владимир Васильев иһитиннэрбитинэн, бу сылга Дьокуускайга VI Хотугу пуорум ыытыыта былааннанар. Оттон кулун тутарга Индияҕа Нью-Дели куоракка дойдулар пуорума буолара былааннанар.
Маны таһынан бэс ыйыгар Хотугу пуорум XVI Генеральнай ассамблеята уонна Хотугу пуорум губернатордарын Сэбиэтэ ыытыллара былааннанар. Хотугу пуорум Бразилияҕа буолар ХНТ ХХХ кэмпириэнсийэтигэр килиимэт уларыйыытын (СОР30) боппуруостарыгар кыттааччы быһыытынан ыҥырылынна.
Муус устар 3 күнүгэр «Сэргэлээх уоттара» култуура киинигэр Василена Шарина-Улан «Турук» диэн бастакы моно-перфоманс кэнсиэрэ…
Быйыл кулун тутар ыйга полицияҕа Дьокуускай куорат 77 саастаах олохтооҕо түөкүттэр сиэртибэлэрэ буолбутун уонна мөлүйүөн…
Ханнык баҕарар дойдуга кыратыттан, улаханыттан тутулуга суох, төрөөбүт-үөскээбит сирин дьонун-сэргэтин дириҥ ытыктабылларын ылбыт, киэн туттуулара…
Бэс ыйын 4-8 күннэригэр Дьокуускайга «Спортивные якутяне» Саха сирин үөрэнээччилэрин спартакиадатын финальнай түһүмэҕэ ыытыллыаҕа. Бэлэмнэнии…
Росгвардия территориальнай управлениетын ОМОН баазатыгар «Бизон» этэрээт тэриллиитин күнүгэр үөрүүлээх тэрээһин буолан ааста. «Бизон байыастарын…
Ис-тас атыы-эргиэн арыта аһара баран, аны дуоллар тиһигэ туллаҥнаан Эмиэрикэлэр экэнэмиэкэлэрин "эргичитэллэр".