Хаартыска -- Арассыыйа боксаҕа федерациятын официальнай саайтыттан.
Сарсын, ахсынньы 14 күнүгэр, киэһэ 17.00 чаастан «Триумф» успуорт уораҕайыгар «Хотугу сир ыҥырыыта»/«Вызов Севера» профессиональнай боксаҕа уочараттаах уонна күүтүүлээх, ааһан эрэр сыл сүрүн турнира ыытыллар.
Бу күн СӨ Боксаҕа Федерацията уонна «СахаПрофБокс» промоутерскай хампаанньа успуорт боксаҕа көрүҥүн ыалдьааччыларыгар киэҥ далааһыннаах тэрээһини бэлэмнээтилэр.
Сүрүн киирсиигэ рингэҕэ профессиональнай бокса икки кыайыылаахтара — Саха сириттэн Петр Васильев уонна Новосибирскайтан Шахриер Ахмедов Арассыыйа чөмпүйүөнүн Silver (үрүҥ көмүс) курун иһин киирсиэхтэрэ.
Сунтаартан Панчер Михаил Варламов турнир 8 рауннаах сүрүн киирсиигэ Танзания уонна Африка чөмпүйүөнэ Салех Кассимы кытта «Доҕордоһуу»/ «Содружество» чөмпүйүөнэ титулун иһин охсуһуо.
Итинэн тыҥааһыннаах киирсиилэр түмүктэммэттэр. Профессиональнай рингэҕэ Саха сирин аатырбыт боксера, Успуорт үтүөлээх маастара Василий Егоров Филиппинтан боксер Джевен Велласиты кытта көрсөр. Утарсааччыта 8 киирсииттэн 3 кыайыылаах, 4 хотторуулаах уонна 1 тэҥнэһиилээх.
Санаттахха, боксер Василий Егоров успуорка карьератын түмүктүүрүн туһунан иһитиннэрбитэ. «Боксалыырбын Саха сириттэн саҕалаабытым: бастакы хардыылар, бастакы кыайыылар… Онон дойдубар, биир дойдулаахтарым ортолоругар күрэхтэһэн баран тохтуубун», — диэн кини социальнай ситимнэргэ суруйбута.
Итини кытта профессиональнай бокса 20 кыайыылааҕа, уопуттаах боксер Таиланд боксера Хаҥалас спортсмена Николай Пшенниковы кытта киирсиэҕэ. Назар Андреев чөмпүйүөн Зимбабве Клевер Ситоле кытта көрсүөҕэ. Оттон Никита Малгины утары Узбекистантан Мухамаджон Рауфов туруоҕа. Турниры саха спортсменнара Чурапчыттан Николай Макаров уонна Ньурбаттан Николай Матвеев арыйыахтара.
Ыҥырыылаах ыалдьытынан Арассыыйа биллиилээх бастакы ыарахан ыйааһыҥҥа боксер-профессионал (90,892 киилээҕэ диэри), WBA көрүҥэр аан дойду чөмпүйүөнэ (2012-2018) Денис Лебедев кыттыаҕа.
Видео: Василий Егоров ТГ-ханаалыттан
Сергей Местников Нерюнгрига Олоҥхо ыһыаҕын тэрийэр кэмитиэтин көһө сылдьар мунньаҕар, тутуу үлэтин барытын бэлэмнэнэр бөлөхтөр…
Дьокуускайга 2 №-дээх полиция отделыгар Ойуунускай уулуссатыгар баар маҕаһыын администрациятыттан үс паара атах таҥаһын уоруллубутун…
Оҕо эрдэхпиттэн өтөхтөрү кэрийэрбин, былыргылар, иччилэр тустарынан улахан дьон кэпсэтэрин истэрбин наһаа сөбүлүүр этим. Аны…
Санкт-Петербургтан Дьокуускайга көтөн испит сөмөлүөккэ биир пассажир илиигэ тутуллар суумкатыгар угулла сылдьар пауэрбаан умайда. Быһылаан…
Саха сиригэр ааспыт сууккаҕа саҥа ойуур баһаара турбута бэлиэтэммэтэ, умайа турааччылар бары бохсулуннулар диэн иһитиннэрдэ…
Алдан уонна Нерюнгри оройуоннарыгар ардах түһэрэ күүтүллэр, сорох сиринэн этиҥнэниэ, сөкүүндэҕэ 15-20 м түргэннээх тыалырыа.…