Хаартысканы Марта Николаева тиксэрдэ
СӨ культуратын үтүөлээх үлэһитэ, СӨ бочуоттаах бэтэрээнэ, Усуйаана улууһун бочуоттаах олохтооҕо, СӨ Оһуокай уопсастыбатын бэрэссэдээтэлин солбуйааччы Ирина Васильевна Абрамова 75 сааһыгар аналлаах айар киэһэтэ буолла.
Ирина Васильевна хореограф идэлээх, тыа хаһаайыстыбатын техникумугар өр сылларга культурнай тэрээһиннэри ыытар педагогунан үлэлээбитэ. Техникумҥа үлэлиир кэмиттэн ылата «Оһуокай» уопсастыба биир көхтөөх чилиэнинэн 2019 сылтан бэрэссэдээтэли солбуйааччынан, өрөбүл ахсын буолар Оһуокайы тэрийээччинэн үлэлиир. Маны сэргэ ырыа ансаамбыллары тэрийэр, элбэх үҥкүү ансаамбылларын кытары үлэлэһэр. Ирина Васильевна дьоро киэһэтигэр Төҥүлүттэн «Ситим» үҥкүү ансаамбылын сэргэ «Оһуокай» диэн ааттаах түмсүү киирэн кытынна.
Ирина Васильевна ырыа айааччы быһыытынан хас да ырыалардаах. Мелодистар сойуустарын чилиэнэ.
Төрөөбүт улууһун кытары сибээһин быспат, куоракка түмсүү салайааччыларыттан биирдэстэрэ буолар.
Дьоро киэһэтигэр Ирина Васильевнаны СӨ Оһуокай түмсүүтүттэн А.Д.Данилов эҕэрдэтин уонна Ытык Оһуокай хартыынатын, тыыннаах сибэкки дьөрбөтүн туттардыбыт. Маны сэргэ тыа хаһаайыстыбатын министиэристибэтин бэтэрээннэрин сэбиэтиттэн, ОДьКХ министиэристибэтиттэн, Дьокуускай куорат Дууматыттан, ону сэргэ алтыһар уопсастыбаннай тэрилтэлэриттэн элбэх эҕэрдэлэри туттардылар. Ирина Васильевна хоту дойду дьүкээбилин уотун сырдыгынан сыдьаайа, айа-тута сылдьарыгар баҕардылар.
Марта Николаева
Өрөспүүбүлүкэҕэ 2025 сыл, аҕыс ыйдааҕы түмүгүнэн, буруйу оҥоруу 9340 түбэлтэтэ бэлиэтэннэ. 14 куораттарга уонна оройуоннарга…
Балаҕан ыйын 12-14 күннэригэр өрөспүүбүлүкэҕэ 218 быыбардыыр хампаанньа ыытылынна, куоластааһын үрдүк таһымнаахтык уонна туох даҕаны…
Дьокуускайга уонна 8 улууска - Алдаҥҥа, Ленскэйгэ, Мииринэйгэ, Мэҥэ Хаҥаласка, Намҥа, Нерюнгригэ, Сунтаарга, Томпоҕо улахан…
Саха тыйаатыра саҥа сезонугар эдэр ыччакка чэпчэтиини олохтоото. Ол курдук устудьуоннар 25% чэпчэтиинэн туһанар буолуохтара.…
Социальнай пуонда Саха сиринээҕи салаата быйыл 2843 киһи сонотуоруйга-куруорка барарыгар айаннарын ороскуотун төлөөтө. 2025…
Өрөспүүбүлүкэҕэ ааспыт нэдиэлэ түмүгүнэн, Саха сиригэр 8,8 тыһыынча киһи тымныйбыта, тумуулаабыта (ОРВИ) бэлиэтэммит. Бу ол…