Хаартыска: SakhaGov
Саха сирин хотугу өттүгэр өрүс устуутун балаһыанньатын бүгүн сарсыарда ыксаллаах быһыыны-майгыны сэрэтиигэ уонна туоратыыга хамыыһыйа мунньаҕар дьүүллэстилэр. Бастакы вице-премьер Дмитрий Садовников бары сулууспаларга өрүстэргэ суукканы быһа мониторинг ыытарга, олохтоох бэйэни салайыныы уорганнарыгар бэлэм буолуу эрэһиимигэр олорорго сорудахтаата.
Кэбээйи улууһугар Сангаар аннынан муус хамсаабыта бэлиэтэннэ. Өрүс түүн Эдьигээн улууһун Эдьигээн бөһүөлэгэр эһиннэ. Дьааҥы өрүскэ муус Үөһээ Дьааҥы уонна Усуйаана улуустарын сиринэн-уотунан устар.
Индигииргэ муус хамсааһына Муома улууһугар бэлиэтэннэ. Өймөкөөн улууһун Уус Ньара бөһүөлэгин аннынан өрүскэ муус эһиннэ. Аллараа Халыма улууһун Халыма сэлиэнньэтинэн муус эстэрэ күүтүллэр. Ону сэргэ муус устуута Бүлүү өрүскэ, Марха өрүскэ салҕанар.
Оттон халаантан эмсэҕэлээбит Нам улууһа сыыйа-баайа ууттан босхолонор. Ууга барбыт нэһилиэнньэлээх пууннарга барытыгар хоромньуну салгыы ааҕаллар уонна чөлүгэр түһэрэр үлэлэлэр, субуотунньуктар ыытыллаллар. Нэһилиэнньэ матырыйаалынай уонна үбүнэн көмөнү ыларга сайабылыанньалары ыытар.
Хоромньуну ааҕыы уонна чөлүгэр түһэрэр үлэлэр атын улуустарга эмиэ, ол иһигэр Ньурба уонна Өлүөхүмэ улуустарыгар, салҕаналлар.
Санатан эттэххэ, өрөспүүбүлүкэ Ил Дархана Айсен Николаев ыйааҕынан халаанынан сибээстээн, ыам ыйын 20 күнүттэн Саха сиригэр ыксаллаах быһыы-майгы эрэһиимэ (эрэгийиэннээҕи) биллэриллибитэ. Эрэгийиэн бырабыыталыстыбатыгар нэһилиэнньэлээх пууннары уонна экэниэмикэ эбийиэктэрин чөлүгэр түһэрии, нэһилиэнньэ туруктаах олоҕун хааччыйыы уонна эмсэҕэлээбит дьоҥҥо социальнай, матырыйаалынай көмөнү оҥоруу дьаһалларын ыларга сорудахтаммыта.
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …