Салгыы
ХИФУ 2024-2025 үөрэх дьылыгар орто үөрэххэ ылыы быраабылата бигэргэннэ

ХИФУ 2024-2025 үөрэх дьылыгар орто үөрэххэ ылыы быраабылата бигэргэннэ

04.03.2024, 12:10
Хаартыска: СИА.
Бөлөххө киир:

Олунньу бүтэһик күнүгэр М.К. Аммосов аатынан Хотугулуу-Илиҥҥи федеральнай университекка 2024-2025 үөрэх дьылыгар орто анал үөрэх бырагырааматыгар үөрэххэ ылыы быраабылата бигэргэннэ.

ХИФУ кэлэр үөрэх дьылыгар 4 орто үөрэх кыһатыгар үөрэххэ ылар:

— Инфраструктурнай технология кэллиэһигэр – 275 бүддьүөт, 94 төлөбүрдээх миэстэ;

— Мэдиссиинэ институтугар – 20 төлөбүрдээх миэстэ;

— Үп-экэниэмикэ институтугар – күнүскү үөрэххэ 35 төлөбүрдээх, кэтэхтэн үөрэххэ 15 төлөбүрдээх миэстэ;

— Юридическай бакылтыат юридическай кэллиэһигэр – 90 төлөбүрдээх миэстэ. Бу туһунан ХИФУ пресс-сулууспата иһитиннэрэр.

ХИФУ орто анал үөрэҕэр барыта уонтан тахса исписээлинэскэ үөрэтэллэр. Холобур, аныгы кэмҥэ ирдэнэр системнай администратор, программист, веб уонна мультимедийнэй сыһыарыыны оҥорооччу, информационнай автоматизированнай куттал суох болуутун хааччыйааччы, сибээс инфокоммуникационнай ситим уонна систиэмэ, иһэрдэн оҥоруу, сиэстэрэ дьыалата, экэниэмикэ уонна буҕаалтыр учуота, юриспруденция, уо.д.а. идэлэргэ үөрэтэллэр. Ханнык идэҕэ төһө миэстэ көрүллэрин сиһилии манна ааҕыҥ.

Санатан эттэххэ, ХИФУ орто үөрэҕэр орто уопсай үөрэхтээһинтэн итэҕэһэ суох үөрэхтээхтэри (11-с кылаас) ылаллар. Үчүгэйэ диэн орто үөрэхтэргэ эмиэ уопсай көрүллэр.

+1
1
+1
0
+1
0
+1
0
+1
0
+1
0
+1
0
Бары сонуннар
Салгыы
15 апреля
  • -2°C
  • Ощущается: -2°Влажность: 29% Скорость ветра: 1 м/с

Сообщить об опечатке

Текст, который будет отправлен нашим редакторам: