Хаартыска: ХИФУ саайтыттан.
Хотугулуу-Илиҥҥи федеральнай университекка туйгун сыананан бүтэрбиттэргэ дьупулуому туттарыы үөрүүлээх тэрээһинэ буолан ааста. Бастакы түһүмэххэ кыһыл дьупулуому 368 бүтэрээччи ылла, 2024-2025 үөрэх дьылын барыта 400-тэн тахса киһи туйгун сыананан түмүктээтэ.
“Кыһыл дьупулуому туттарыы – бу өссө Саха судаарыстыбаннай университетын саҕаттан илдьэ кэлбит үтүө үгэспит. Бу үөрэҕи бүтэрээччилэргэ да, бүтүн университет үрдүнэн даҕаны өрүү долгутуулаах, үөрүүлээх түгэн. Биэс сыананан бүтэрэр дьупулуом – устудьуон кыһамньытын, талаанын туоһута. Ол эрээри, саамай сүрүнэ дьупулуомҥа биэс сыана ахсаана буолбакка, эһиги өрөспүүбүлүкэ, дойду сайдыытыгар төһө туһалаах исписэлиис буолан тахсаргыт буолар. Эһиги инникитин идэҕитин кыайыыгыт, баһылааһыҥҥыт – ХИФУ каадыры бэлэмниир хаачыстыбатын бастыҥ сыанабыла. Ситиһини уонна олоххутугар өрүү сөптөөх быһаарыныыны!”, – диэн ректор баҕа санаатын эттэ.
Пелагея Дьячковская ХИФУ физкултуураҕа уонна успуорка институтун магистратуратын бүтэрдэ, икки сыл анараа өртүгэр кыһыл дьупулуому туттарыы үөрүүлээх тэрээһинигэр эмиэ сылдьыбытын этэр. “Институппар бакалавриакка түөрт сыл, магистратураҕа икки сыл биллибэккэ уонна “туйгуннук” ааста. ХИФУга үөрэнэр кэммэр үс көрүҥҥэ успуорт маастара нуорматын толордум: 800 миэтэрэҕэ спортивнай хаамыыга, чэпчэки атлетикаҕа уонна хотугу многоборьеҕа. Хаачыстыбалаах үөрэҕи ылар уонна успуордунан дьарыктанар кыаҕы биэрбитин иһин университекка махталым улахан”, -диэн санаатын үллэстэр.
Туйгун устудьуон үөрэҕин бэйэтин хайысхатынан ХИФУга аспирантураҕа салгыыр былааннаах: “Мин билимҥэ тиэмэм ураты, чопчу университет аспирантуратыгар эрэ ону толору арыйар кыахтаахпын диэн бигэ эрэллээхпин”.
Бүтэрээччилэргэ ректор кыһыл дьупулуомнары туттарыытын иккис түһүмэҕэ от ыйын 7 күнүгэр буолуоҕа. Бу туһунан ХИФУ саайта суруйар.
Өрөспүүбүлүкэтээҕи «Сахамедиа» медиа-кииҥҥэ «Дыгын оонньууларын» сэрэбиэйин ыыттылар Ааттаах-суоллаах турнир бары 16 кыттааччыта успуорт көрүҥнэринэн сэрэбиэй…
"Орто дойду" зоопаркаҕа Саргуля уонна Илюша диэн ааттаах бизоннарга тыһы ньирэй төрөөтө. Зоопарка салалтата бизон…
Дьокуускайдааҕы полиция 2 №-дээх отделын дьуһуурунай чааһыгар дьахтар 108 тыһ. солк. харчыта уоруллубутун туһунан тыллаабыт.…
Бэс ыйын 26 күнүттэн 28 күнүгэр диэри Дьокуускайга Астана куорат култууратын күннэрэ ыытыллыахтара. Бу тэрээһин…
Быраастар мэдиссиинэ көрүүтүн эбэтэр диспансеризация кэмигэр суоппарга тимир көлөнү салайыыга бобор-хаайар ыарыыны буллахтарына, ГАИ иниспиэктэрэ…
ИДьМ сулууспатын Хаҥалас улууһунааҕы отделын дьуһуурунай чааһыгар олохтоох киһи 17 тыһ.солк. кэриҥэ сыаналаах бензопилата уоруллубутун…