М.К. Аммосов аатынан Хотугулуу-Илиҥҥи федеральнай университет аан маҥнайгытын орто анал үөрэх кэнниттэн үрдүк үөрэххэ туттарсааччыларга анаан идэҕэ туһаайыы дьаарбаҥкатын ыытар.
Чопчулаан эттэххэ, урукку сылларга идэҕэ туһаайар тэрээһиннэр үөрэххэ туттарсааччыларга барыларыгар анаан биир күдьүс уопсай ыытыллар этэ. Бу үөрэх дьылыттан саҥа сүүрээни киллэрдилэр – орто үөрэх кэнниттэн үрдүк үөрэххэ туттарсааччыларга тохсунньу 24 күнүгэр “Вперед на ВЫШКУ!” идэҕэ туһаайар дьаарбаҥка оҥороллор.
ХИФУ киин тутар хамыыһыйатын начаалынньыга Елизавета Ильина: “Орто анал үөрэх кэнниттэн туттарсааччылар ХИФУ бэйэтэ тестирование, сэһэргэһии, суругунан үлэ көрүҥүн быһыытынан ыытар үөрэххэ киирэр тургутууларын (вступительные испытания) туттаран киирэллэр.
Арассыыйа Билимҥэ уонна үрдүк үөрэххэ министиэристибэтин бирикээһинэн бүддьүөт миэстэлэрэ бигэргэннилэр. Бакалавриакка уонна специалитекка 3052 миэстэ көрүлүннэ, ол иһигэр күнүскү үөрэххэ – 2662 миэстэ.
Орто үөрэх кэнниттэн туттарсааччыларга улахан уларыйыы суох. Абитуриент дойду 5 үрдүк үөрэҕэр, хас биирдиитигэр бакалавриат уонна специалитет бырагырааматыгар 5 хайысхаҕа диэри докумуонун биэриэн сөп”, — диэн кэпсиир.
Санатан эттэххэ, үөрэххэ туттарсааччы докумуонун ыраахтан олорон – Судаарыстыбаннай өҥө единэй порталынан (Единый портал государственных услуг) тус кэбиниэт нөҥүө, олоҕурбут көрүҥүнэн – ХИФУ сүрүн үөрэтэр куорпуһугар (ГУК) сүүмэрдиир хамыыһыйаҕа кэлэн, ону тэҥэ Арассыыйа буостатынан туттарар. Докумуоннары үгэс быһыытынан бэс ыйын 20 күнүттэн тутан саҕалыахтара.
Сиһилии иһитиннэриини, орто үөрэх кэнниттэн туттарсыы ымпыгын-чымпыгын бу тохсунньу 24 күнүгэр ыытыллар “Вперед на ВЫШКУ” идэҕэ туһаайар дьаарбаҥкаҕа кэлэн билис. Манна университет хас биирдии института, бакылтыата бары кыттыаҕа. Тэрээһин ХИФУга устудьуоннар көҕүлээһиннэрин киинигэр (Кулаковскай уул. 42 нүөмэрдээх дьиэтэ, ГУК) күнүс 12:00-16:00 буолар.
Дьокуускайга Киргизияттан төрүттээх эр киһи кыбартыыратыгар көҥүлэ суох сэттэ миграны бырапыыскалаабыт. ИДьМ Дьокуускай куорат 1-кы…
Ил Түмэн спикерэ Алексей Еремеев парламеҥҥа сэттис (уочараты таһынан) пленарнай мунньахха ыҥырар дьаһалга илии баттаата.…
Бүгүн, ыам ыйын 17 күнүгэр, Дьокуускай куорат Хатас бөһүөлэгэр олохтоох Мария Оконешникова сүүрэ сылдьан кыталыктары…
Бүтэһик сууккаҕа Дьокуускайга сааскы халаан уутун таһыма үрдүүрэ күүтүллэр. Бүгүн, ыам ыйын 17 күнүгэр, сарсыарда…
Ыам ыйын 15 күнүгэр Үөһээ Бүлүү улууһун Туобуйа нэһилиэгэр икки киһи эмсэҕэлээһиннээх быһылаан тахсыбыта. Туобуйаттан…
Бэҕэһээҥҥиттэн, ыам ыйын 16 күнүттэн, «Полярные авиалинии» Ми-8 бөртөлүөтэ Өлүөнэ өрүһү туоратар үлэтин саҕалаата диэн…