“Хотулар”, иннигит хоту!

Share

Киберспортсмеҥҥа эт-хаан өттүнэн сайдыы ханнык баҕарар успуорт көрүҥэр курдук эмиэ суолталаах диэн исписэлиистэр бэлиэтииллэр. Дьиҥнээх киберспортсмен – алта чаас устата тыҥааһыннаах (стрессовай) оонньууну тулуйар киһи. Майгы-сигили уонна эт-хаан өттүнэн бэлэмнээх буолар ирдэниллэр.

Хаартысканы Александр Гуляев тиксэрдэ.

Саха сирин хамаандата Казаньҥа “Игры будущего” оонньууга боруонсаҕа тигис­тэ. Ил Дархан Айсен Николаев Саха сирин “HOTU” хамаандатын матчка CS2 + Лазертаг дьиссипилиинэҕэ үһүс миэс­тэни ылбытынан эҕэрдэлээтэ: “Биһиги оҕолорбут бириис­тээх миэстэҕэ тигистилэр, бу улахан кыайыы. Кинилэр хотугу өрөспүүбүлүкэҕэ кибер-­успуорт баарын аан дойдуга көрдөрдүлэр”.

Саха сирин олохтоохторо “Love Kazan” хамаанданы 2:0 хоттулар. Бу былырыын үһүс Фиджитал оонньууларга үһүс миэстэлэспит оҕолорго уочараттаах ситиһиилэринэн буол­ла. xGod и Looking For хамаан­даларын икки ардыларыгар финал олунньу 27 күнүгэр буолбута. Кибер-успуорка биэс дойдуттан аҕыс хамаанда кытынна. Күрэхтэһиилэр бириистэрин пуондата 500 тыһыынча дуолларга тэҥнэһэр. Кыайыылаах хамаанда 175 тыһыынча дуоллар бирииһи ылыаҕа, иккис миэстэ – 100 тыһыынча дуоллар, үһүс – 75.

Ил Дархан бэйэтин телеграм-каналыгар “HOTU” хамаан­да Саха сирин эдэр оҕолоругар холобур буолуоҕа диэн бэлиэтээтэ.

Туох оонньуунуй?

«Игры Будущего» – норуоттар икки ардыларынааҕы фиджитал кэнсиэпсийэнэн аан бастакытын ыытыллар мультиспортивнай турнир. CS2 оонньууга күрэхтэһии таһынан, киберспортсменнар Dota 2, «Мир Танков», «Битва роботов» уо.д.а. оонньууларга кииристилэр.

Хаартысканы Александр Гуляев тиксэрдэ.

Кимнээх дьарыктаналларый?

Статистика көрдөрөрүнэн, кибер-успуордунан 18-29 саастаах ыччат дьон дьарыктаналлар. Ол эрээри, бу успуорт көрүҥэ сыыйа-баайа эдэримсийэн иһэр. Профессиональнай былаһааккаларга дьон-сэргэ 13–14   саастарыттан кыттар буолла.

Ону таһынан, кыттааччылар этэллэринэн, билиҥҥи кэмҥэ кибер-исписэлиистэр ханнык баҕарар эйгэҕэ олус наадалар. “Киберспортсмен хайдах буолуохтааҕый?” – диэн бэрт судургу ыйытыкка Александр Гуляев: “Ырытар, ырыҥалыыр, суолталаах быһаарыныыны түргэнник ылынар, түргэн хардарыылаах, болҕомтолоох буолуохтаах дии саныыбын”, – диэн эппиэт­тээтэ.

Кибер-успуорт курдук уустук эйгэҕэ Сахабыт сирин чиэһин көмүскээбит, ааттаппыт «HOTU» хамаандаҕа инникитин өссө да ситиһиилэри, булгуруйбат тулууру, дьулууру баҕара хаалыаҕыҥ. “Хотулар”, иннигит хоту!

Александр Гуляев, кыттааччы (олунньу 27 күнүгэр төлөпүөнүнэн кэпсэппитим):

– Полуфиналга xGod хамаанданы кытта CS2 + лазертаг оонньообуппут. Бу иннинэ үстэ RAMBOOT R10 vs. HOTU (0:3 ахсаанынан кыайбыппыт), ZERO Tenacity vs. HOTU, (1:2 ахсаанынан кыайбыппыт), Looking For 0rg vs. HOTU (1:2 ахсаанынан кыайбыппыт) курдук хамаандалары кытта оонньообуппут. Биһиги хамаандабыт тыҥааһын­наах киирсиигэ бэлэм. Бары сүргэбит көтөҕүллэн сылдьар, кыа­йыыга эрэллээхпит. Олунньу 7-16 күннэригэр Буткемп куурус­тарыгар үөрэммиппит. Күрэхтэһиилэр Казаннааҕы теннис академиятыгар ыытыллаллар. Ил Дархан Айсен Николаев уонна “Эльгауголь» хампаанньа өйөбүллэринэн бу курдук таһымнаах тэрээһиҥҥэ кыттар кыахтаахпытынан махталбытын биллэрэбит”.

Эльдар Садовников.

Recent Posts

  • Сонуннар
  • Уопсастыба

Балаҕан ыйыттан зажигалкалары уонна гаас баллоннарын пааспарынан эрэ атыылыахтара

Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…

37 минут ago
  • Сонуннар
  • Уопсастыба

Оҕону суруйарга эрдэттэн эрчийиэххэ

Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…

1 час ago
  • Сонуннар
  • Ыйыт - хоруйдуубут

ЫЙЫТ-ХОРУЙДУУБУТ: Оҕо уһуйааҥҥа сылдьарга үөрэнэригэр хайдах көмөлөһөбүт?

Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…

2 часа ago
  • Сонуннар
  • Сүрүн

Саха сиригэр чоҕу хостуур салаа кэскиллээх

Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…

2 часа ago
  • Сонуннар
  • Уопсастыба

Роспотребнадзор: ОРВИ сезона саҕаланыан иннинэ сэрэтэр дьаһаллары ылыныҥ

Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…

3 часа ago
  • Кыайыы 80 сыла
  • Сонуннар

Үчүгэйиэн, оҕо саас!

…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…

3 часа ago