Хаартысканы Марта Николаева тиксэрдэ
Бу сырыыга тохсунньуну түмүктүүр оһуокайбытын хоту хоһуун дьонугар анаабыппыт табылынна. Тыйыс тымныыга бэриммэт, хотугу улуустартан төрүттээх Дьокуускай куоракка олорор дьон Махтал Оһуокайыгар кытынна.
Анаабыр улууһуттан биир дойдулаахтарын, Анаабырга Үрүҥ Хайаҕа 40-тан тахса сыл орто оскуолаҕа директоры солбуйааччынан, завуһунан үлэлээбит, РФ үөрэхтээһиҥҥэ бочуоттаах үлэһитэ Ирина Спиридонова биир дойдулаахтарынаан кэлэн, бастакынан һэйро таһаардылар. Бу күн тахсыытыгар махтал үҥкүү эбит. Дьааҥыттан Лаурика Стручкова һээдьэтин, Эбээн Бытантайтан һээдьэни Мария Попова, 86 саастаах Уус Дьааҥыттан Анна Петровна Голикова таһаардылар. Махтал оһуокайы Дархан этээччилэр Валентин Хорунов, Марта Николаева, үтүөлээх этээччилэр Мария Бассанова, Каджана Евсеева о.д.а. Махтал оһуокайынан уруйдаатылар. Биир дойдулаахтар мустан ирэ-хоро кэпсэттилэр, хаартыскаҕа түстүлэр.
Доҕордоһуу Оһуокайа дьону сомоҕолуурун бэлиэтээтилэр.
Куораттан «Айдара» этно-фольклорнай үҥкүү ансаамбылы мустубут дьону үҥкүүнэн эҕэрдэлээтэ.
Марта Николаева
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…