Дьокуускай куоракка биллиилээх живописец-худуоһунньук Афанасий Осиповка аналлаах искибиэр баар буолуоҕа. Бу үлэ Дьокуускай куорат Губинскай уокуругун, Национальнай ойуулуур-дьүһүннүүр мусуой уонна Горнай улууһун көмөлөрүнэн ыытыллыаҕа.
«Афанасий Николавич Саха сирин култууратын нэһилиэстибэтигэр тус кылаатын киллэрбит, биһиги кэммит уһулуччулаах киһитэ этэ», – диэн СӨ култуураҕа уонна духуобунай сайдыыга миниистирэ Юрий Куприянов Афанасий Осипов төрөөбүтэ 95 сылыгар тэриллэр дьаһаллар оробуочай бөлөхтөрүн кыттыылаахтара улахан эппиэтинэһи сүгэллэрин бэлиэтээтэ.
Оробуочай бөлөх Дьокуускайга Афанасий Николаевич аатынан хартыына галереятын өрөмүөннээһини биир суолталаах үлэнэн сыаналаата.
2023 сыл устата оҕолорго анимационнай киинэлэргэ өрөспүүбүлүкэтээҕи куонкурус ыытыллыаҕа. Чуолаан, үөрэнээччилэргэ, ойуулуур ускуустуба, технология, информатика учууталларыгар олунньу бүтүүтэ «Форма творчества» тиэмэҕэ «Педагогическая палитра» диэн өрөспүүбүлүкэтээҕи IV методическай бэстибээл тэриллиэҕэ.
Куорат олохтоохторо Горнай улууһун Мытаах мусуойугар баар Афанасий Осипов үлэлэрин билсэр кыахтаныахтара.
Онтон күһүн Семен Данилов «Хотой дьоло» поэматын «Телеграм» уонна «Вконтакте» социальнай ситимнэргэ уус-ураннык ааҕыы, «А.Н.Осипов -– Сир ийэ киһитэ» научнай-бырактыычаскай кэмпириэнсийэ былааннаналлар.
Ону таһынан худуоһунньуктар балаҕан ыйыгар «Бор көмүс киистэтэ» өрөспүүбүлүкэтээҕи пленэр-куонкуруска кыттыахтара. «Саха» НКИХ сыл устата Афанасий Осипов туһунан биэриилэри көрдөрүөҕэ.
Афанасий Николаевич ОСИПОВ – ССРС норуодунай худуоһунньуга, Худуоһунньуктар Арассыыйаатааҕы академияларын, Кыргызстан Өрөспүүбүлүкэтин Худуоһунньуктарын национальнай академиятын дьиҥнээх чилиэнэ, Репин аатынан РСФСР Судаарыстыбаннай бириэмийэтин, Саха сирин Ленинскэй хомсомуолун бириэмийэтин лауреаттара, СӨ Духуобунаска академиятын бэрэсиэдьиэнинэн үлэлээбитэ, Саха Өрөспүүбүлүкэтин уонна Горнай улууһун Бочуоттаах гражданина
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Өспөххө "Кубок знатоков наслега" бырайыак быйылгы оонньуута түмүктэннэ. Бу күн түөртүү киһилээх 6 хамаанда бары…