Хаартыска: культура.рф
Бэс ыйын 23 — от ыйын 16 күннэригэр «Өлүөнэ өрүс — Японскай муора» диэн быыстапка аһыллар. Бу бырайыагы «Цветы мира» норуоттар икки ардыларынааҕы ассоциация, «Узкий взгляд» бөлөх тэрийдилэр.
Бу ураты быыстапкаҕа Саха сирин уонна Приморскай кыраай худуоһунньуктара кытталлар. Ол курдук, Саха сириттэн Ольга Скорикова, Наталья Николаева, Туйаара Шапошникова, Евдокия Романова, Ирина Мекумянова, Мария Гуляева, Лена Каган, Екатерина Шапошникова, Александра Бочкарева-Иннокентьева, Владивостоктан Ольга Зотова, Ольга Никитчик, Алла Гринченко, Людмила Убираева, Мария Шебеко, Лидия Козьмина, Евгения Ефремова, Светлана Фирюлина, Анна Щеголева курдук биллэр худуоһунньук дьахталлар үлэлэрэ туруоҕа.
Кинилэр ойуулуур-дьүһүннүүр ускуустуба нөҥүө Уһук Илин икки эрэгийиэнин уратыларын көрдөрөр, ону тэҥэ, холбуур, биир тыыны булар сыаллаахтар. Бу идиэйэни «Цветы мира» диэн худуоһунньук дьахталлары түмэр ассоциация көҕүлээбитэ. Бу курдук быыстапкалары Японияҕа, Кытайга, Соҕуруу Кэриэйэҕэ, Арассыыйа араас куораттарыгар тэрийэн ыыппыттара.
Кэнники сылларга дойдубут араас эрэгийиэннэрин түмэр сыаллаах тэрээһиннэри ыыталлар. 2021 сыллаахха В.П. Сукачев аатынан Иркутскайдааҕы художественнай мусуойга быыстапка ситиһиилээхтик ыытыллыбыта. Былырыын «Өлүөнэ өрүс — Японскай муора» бырайыак бастакы чааһа Владивосток куоракка буолбута.
Саха сирин худуоһунньуктара ол быыстапкаҕа көхтөөхтүк кыттыбыттара, пленэргэ уруһуйдаабыттара, Японскай муора кытылынан хаампыттара. Онно ылбыт билиилэрин-көрүүлэрин бу саҥа айымньыларыгар дьүһүйдүлэр. Японскай муора кытылыгар Азия уонна Европа култууралара холбоһон, уратытык дьүөрэлэһэллэр. Приморскай кыраай худуоһунньуктара бары биир сорудаҕынан, сыалынан-соругунан саҥа хартыыналарын уруһуйдаан аҕаллылар. Холобур, хартыынаҕа хайаан да тыыраахы, ракушка, о.д.а. муора бэлиэлэр баар буолуохтаахтар.
Оттон төрөөбүт дойдуга тапталы, төрүт култуураҕа ытыктабыллаах сыһыаны Саха сирин худуоһунньуктарын үлэлэригэр көрөбүт. Кинилэр хайдах айан-тутан таһаарбыттарын, «буруолуу сылдьар» саҥа үлэлэрин быыстапкаҕа кэлэн көрүөхпүт.
Быйыл Саха сирин Худуоһунньуктарын сойууһун «Узкий взгляд» диэн худуоһунньук дьахталларын бөлөҕө өйөөн, Дьокуускайга ыытыллар буолла. Бу бырайыак чэрчитинэн, мэдиссиинэ тэрилтэлэригэр хартыыналары бэлэхтээһин аахсыйата ыытыллыаҕа.
Быыстапка Ю.Гагарин аатынан Аныгы ускуустуба киинигэр, 2-с этээскэ туруоҕа. Үөрүүлээх арыллыыта бэс ыйын 23 күнүгэр күнүс 3 чаастан буолуоҕа.
Дьуһуурунай борокуруор иһитиннэрбитинэн, бүтэһик сууккаҕа өрөспүүбүлүкэ буруйу оҥоруу биэс түбэлтэтэ бэлиэтэммит. Барыта Дьокуускайга оҥоһуллубуттар. 1976…
Нерюнгрига Олоҥхо ыһыаҕа от ыйын 4-5 күннэригэр буолаары турар. Андрей Сорокин хаартыскаларга түһэриитин көрүҥ, ЯСИА.…
Өлүөхүмэ улууһун 1-Нөөрүктээйи кыраайы үөрэтэр түмэлин салайааччыта, уопсастыбаннай кэрэспэдьиэммит Александр Филиппов-Бири Өлүөнэ өрүс пааматынньыгын хоһуйбут…
Күрэс төрүт көрүҥнэригэр XXII "Манчаары оонньууларынан" медиа-кииҥҥэ суруналыыстары кытта көрсүһүү буолла. Манна далааһыннаах тэрээһиҥҥэ бэлэмнэнии…
От ыйыгар сулустар тапталга, доҕордоһууга сыһыаннаах гороскуопка тугу кэпсииллэрий? Хой Ый саҥата саҥа билсиһии буолара…
Ааспыт сууккаҕа Ленскэй оройуонугар биир ойуур баһаара умуруоруллубут. Бүгүҥҥү иһитиннэриинэн, суукка саҕаланыытыгар, өрөспүүбүлүкэ сиригэр-уотугар ойуур…