I Өспөххө икки уопсай дьиэ үлэҕэ киирдэ

Уус Алдан улууһун I Өспөх нэһилиэгэр хаарбах дьиэттэн көһөрүү бырагырааматынан икки уопсай дьиэ үлэҕэ киирдэ.

Бүгүн Уһун Күөл бөһүөлэгэр олохтоохтор икки хаарбах туруктаах эргэ дьиэттэн саҥа, толору хааччыллыылаах дьиэлэргэ көстүлэр.

Айсен Данилов салайааччылаах “СПК Строймонтаж” тутуу хампаанньата, 2024 сылтан саҕалаан икки дьиэни тутан үлэҕэ киллэрдэ.

Саҥа дьиэҕэ киириигэ алгысчыт Айаал Аргунов Үрдүк Айыыларга сүгүрүйэн алгыс сиэрин-туомун толордо.

Тэрээһиҥҥэ улуус баһылыга Василий Алексеев, улуус баһылыгын бастакы солбуйааччы Семен Бурнашев, улуус дьаһалтатын тутууга уонна архитектураҕа управлениетын начаалынньыга Максим Гуляев, «1 Өспөх нэһилиэгэ» тыа сирин түөлбэтин баһылыга Михаил Домотов, дьиэни туппут тэрилтэ салайааччылара кыттыыны ылан, олохтоохтор үөрүүлэрин тэҥҥэ үллэстэн, хаһаайыттарга күлүүстэри үөрүүлээх быһыыга-майгыга  туттардылар.

Улуус дьаһалтатын пресс-сулууспата.