I Нөөрүктээйигэ сиэстэрэ көрөр-истэр отделениета аһылынна

Өлүөхүмэ улууһун I Нөөрүктээйитигэр аһыллыбыт аҕыс куойкалаах сиэстэрэ көрөр-истэр отделениета — ыарыһахтар кэккэ араҥаларын анаан-минээн көрөр анал подразделение.

Манна социальнай уонна анал мэдиссиинискэй хааччыллыыга наадыйар кырдьаҕастары (ол иһигэр, үтүөрбэт ыарыылаахтары) көрүөхтэрэ-истиэхтэрэ уонна эмтиэхтэрэ», — диэн Өлүөхүмэ Оройуоннааҕы киин балыыһатын кылаабынай бырааһа Анна Гаврильева иһитиннэрдэ.

Паллиативнай көрүү-истии сыалынан-соругунан эмтэнээччи көрсөр кыһалҕаларын муҥутаан чэпчэтии уонна кини дьиэ кэргэнигэр көмөлөһүү буолар. Маннык көмө эмтэнээччи эрэ буолбакка, күнүстэри-түүннэри кинини көрөр-истэр ыарыһахтар аймахтарын олохторун чэпчэтиэҕэ.