I Нөөрүктээйилэр субуотунньуктаатылар

Өлүөхүмэ оройуонун I Нөөрүктээйи нэһилиэгин бэтэринээринэй учаастагар субуотунньук буолла. Бу бэтэринээринэй учаастакка «Для СВОих» диэн байыаннай дьайыы кыттыылаахтарыгар анаан көмө хомуйар кулууп олохтонуохтаах.

Нэһилиэк дьаһалтата улуус бэтэринээринэй управление салайааччытыгар Светлана Александровна Мироноваҕа уонна Нөөрүктээйи бэтэринээринэй учаастагын сэбиэдэссэйэ Николай Егорович Горбуновка махталын биллэрдэ.

Субуотунньук күн икки былаастык түннүгү олордон, дьиэ ис барааныгар соҕуруойка туруоран, кирилиэһи өрөмүөннээн үлэ күөстүү оргуйбут. Кулууп кыттыылаахтара, дьахталлар  уонна бэтэрээннэр сэбиэттэрэ салгыы косметическай өрөмүөнү оҥоруохтаахтар.