И.П. Михайлов-Харачаас туһунан киинэ уһуллан сүрэхтэннэ

Бэс ыйын 27 күнүгэр Амма Сулҕаччытыгар Номоххо киирбит сахалартан бастакы Бойобуой Кыһыл Знамя Уордьан кавалера И.П. Михайлов-Харачаас хорсун сырыытын туһунан «Харачаас» уус-уран киинэ сүрэхтэниитэ буолла.

Христофор Максимов аатынан Култуура киинигэр «лыык» курдук дьон муһунна. Киинэ бырайыагын ааптара — Алексей Ильич Никифоров. Режиссер Рустам Пудов, сценарийы Татьяна Павлова суруйда, киинэни устар бөлөҕү Василий Неустроев, Надежда Владимирова салайдылар.

Сүрүн оруолга оонньоотулар — Герман Христофоров — Харачааһы, Александр Неустроев — Чурины, Данил Михайлов — Байанай Сэмэни, Георгий Степанов — Үрүҥ бандьыыт тойоно Үүттүүр уолун.

Бэлиэтээн эттэххэ, киинэ олунньу ый томороон тымныытыгар, -50 кыраадыс сатыылаан турдаҕына уһуллубута.