Елизавета Неустроева хаартыската
Быйылгы дьылга бастакы «Айкуо» сэрийээли көрөн бүтэрдибит. Дьон-сэргэ саҥа сэрийээли олус сөбүлээбит, оҕолор оонньуулларын астыммыт. Онтон иккис уочаратынан «Иччитэх дьиэ» диэн сэрийээл тахсыаҕа.
«Иччитэх дьиэ» сэрийээл Саҥа дьыл иннинэ, сэтинньиттэн көстүөҕэ. Режиссер — Марина Барашкова, сценарист — Сардаана Сивцева-Даана Сард.
Аата да этэрин курдук, бу сэрийээл мистика, драма жанрдаах буолуоҕа. Сэрийээли бу сайын Уус Алдан улууһун Суотту сэлиэнньэтигэр уһулбуттара.
Сүрүн оруолларга Аграфена Макарова аатынан Култуура, ускуустуба колледжын устудьуоннара оонньоотулар.
— «Иччитэх дьиэ» сэрийээлгэ эдэр суруйааччы уол бастакы кинигэтин суруйаары, ыраах дэриэбинэҕэ тиийэн, иччитэх дьиэҕэ олохсуйар. Ол онно кини араас күчүмэҕэйдэри көрсүөҕэ.
Биһиги Суотту олохтоохторугар, көмөлөспүт дьоҥҥо-сэргэҕэ улахан махталбытын тиэрдэбит. Сэрийээлгэ саҥа дьоруойдар, эдэр артыыстар көстүөхтэрэ. Сүрүн оруолларга култуура, ускуустуба колледжын устудьуоннара онньоотулар, — диэн «Саха» НКИХ сэрийээл сулууспатын салайааччы Марфа Пермякова кэпсээтэ.
Гражданскай оборуона дьыалаларын уонна нэһилиэнньэҕэ куттал суох буолуутун хааччыйар министиэристибэтин кэлэктиибэ, Саҥа дьылы көрсө байыаннай…
Борокуратуура ирдэбилин түмүгэр Саха сирин бүддьүөтүгэр 1,5 мөл. солкуобай төннөрүлүннэ. Горнай оройуонун борокуратуурата өрөспүүбүлүкэ борокуратууратын…
ИДьМ сулууспатын 2 №-дээх полициятын отделын дьуһуурунай чааһыгар балыыһаттан Дьокуускай куорат олохтооҕо төбөтүн эчэтэн, балыыһаҕа…
СӨ Ил Дархана Айсен Николаев Арассыыйа Дьоруойа Дмитрий Николаевич Егоров огдооботугар Надежда Алексеевна Андрееваҕа, байыаннай…
WhatsApp* (Арассыыйаҕа экстремисткэйинэн билиниллибит уонна бобуллубут Meta хампаанньа бас билиитэ) сокуон ирдэбиллэрин толорботох түгэнигэр үлэтэ…
Ил Түмэҥҥэ туһаайан этиитигэр өрөспүүбүлүкэ баһылыга Айсен Николаев чэпчэтиилээх эминэн хааччыйыыны бигэтик үбүлүүр соругу туруорда.…