Ил Дархан Айсен Николаев бүгүн Бишкек куоракка Кыргызстан Өрөспүүбүлүкэтигэр РФ боломуочуйалаах посолун Сергей Вакуновы кытта көрүстэ.
Өрүттэр Арассыыйа Кыргызстан дойдуларын сыһыаннаһыыларын билиҥҥи туругун уонна кэскилин, ону тэҥэ бииргэ үлэлээһиннэрин тосхолун ырыттылар.
Сергей Вакунов Саха сирэ Арассыыйа уонна Кыргызстан Өрөспүүбүлүкэтин ситимнэрин бөҕөргөтүүгэ, атыыга-эргиэҥҥэ, экэниэмикэҕэ, култуураҕа уонна гуманитарнай бииргэ үлэлээһиҥҥэ ураты болҕомтону ууран үлэлиирин тоһоҕолоон бэлиэтээтэ. Айсен Николаев бииргэ үлэлээһини бөҕөргөтүүгэ Арассыыйа посольствота сүрүн оруоллааҕын ыйда.
— Кэнники сылларга Кыргызстан Өрөспүүбүлүкэтин кытта сыһыаммыт үтүө түмүктээх. Дьокуускайга Кыргызстан Посольствотын Канцелярията аһыллан үлэлиир. Норуоттар икки ардыларыгар сыһыаҥҥа ордук суолталаах атыы-эргиэн, култуура, успуорт, үөрэх уонна айар индустрия эйгэтигэр үгүс өрүттээх үлэни бииргэ ыытарбыт сомоҕолоһууга көҕүлүүр. Кыргызстан Өрөспүүбүлүкэтигэр бастакы оробуочай сырыым, ол түмүгэр бииргэ үлэлээһин хайысхаларыгар саҥа сүүрээннэри тобулан, бииргэ үлэлэһэн, саҥа таһымҥа тахсарга дьулуһуохпут, — диэн бэлиэтээтэ Айсен Николаев.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…