Идэҕэ эрдэттэн туһаайар тэрээһиҥҥэ ыҥыраллар

Алтынньы 25 күнүгэр “Арассыыйа – мин устуоруйам” устуоруйа пааркатыгар “Идэ бэстибээлэ” ураты тэрээһин буолаары турар. Бэстибээлгэ оскуола үөрэнээччилэрэ, устудьуоннар, үлэ биэрээччилэр, үрдүк, орто үөрэх кыһаларын бэрэстэбиитэллэрэ кыттыахтара.

Биһиги сорукпут – үөрэнээччилэргэ эрдэттэн идэҕэ туһаайыы үлэтин ыытыы, эрдэҕэс оҕолор билсэн, инникитин идэлэрин сөпкө талалларыгар көмөлөһүү.

Тэрээһин кыттааччыларга өрөспүүбүлүкэҕэ ирдэнэр идэ арааһын билиһиннэриигэ туһаайыллар.

Бэстибээл бырагыраамата:

— уопуттаах исписэлиистэр интерактивнай маастар-кылаастара;

— үөрэх тэрилтэлэрин билиһиннэрии;

— трениннэр, оонньуулар, быыстапкалар, о.д.а.

Ону тэҥэ, өрөспүүбүлүкэ бары улуустарыгар нэһилиэнньэ дьарыктаах буолуутун сулууспалара “Мой выбор – моя профессия” күнү тэрийиэхтэрэ.

Эдэр дьоҥҥо, ол иһигэр оскуола үөрэнээччилэригэр, идэҕэ туһаайар тэрээһиннэри ыытыахтара, тэрилтэлэринэн экскурсияҕа сырытыннарыахтара, араас идэлэр бэрэстэбиитэллэрин кытта көрсүһүүлэр буолуохтара.

Тэрийээччилэр: СӨ дьарыктаах буолуутун судаарыстыбаннай кэмитиэтэ, СӨ Үөрэҕин, билимин министиэристибэтэ, “Арассыыйа – мин устуоруйам” устуоруйа паарката.

Тэрээһиҥҥэ киирии босхо, бэлиэтэнии ирдэммэт.

Эбии иһитиннэриини маннык нүөмэринэн ыйыталаһыаххытын сөп: СӨ дьарыктаах буолуутун судаарыстыбаннай кэмитиэтин идэҕэ үөрэтиини тэрийэр салаа: 507-805, 507-804. Бу туһунан СӨ дьарыктаах буолуутун судаарыстыбаннай кэмитиэтэ сырдатар.