Хартыына: minobrnauki.sakha.gov.ru
Биир эрэ күн, сэтинньи 3 күнүгэр, Дьокуускай куорат “Куруһаала” атыы-эргиэн киинигэр “ПРОФОРИЕНТАЦИЯ-2025” үөрэх миэстэтин уонна идэ эрэгийиэннэр икки ардыларынааҕы быыстапка-дьаарбаҥкатын ыытыахтара.
Сэтинньи 3 эрэ күнүгэр дойду үрдүк уонна орто анал үөрэҕин тэрилтэлэрин бэрэстэбиитэллэрэ Дьокуускайга, эһиэхэ анаан түмсүөхтэрэ.
Бу эрэ күн эһиги билиэххит:
— туттарсар үөрэххитигэр киирэр туһугар биир кэлим эксээмэҥҥэ ханнык биридимиэттэри өрө тардар ирдэнэрин;
— Дойду Уһук Илин, Урал, Сибиир, киин федеральнай уокуруктарын куораттарыгар баар үрдүк уонна орто үөрэх кыһаларын кытта билсиэххит;
— Профориентолог-эспиэрт идэҕэ эрдэттэн туһаайыыга аналлаах ыыппыт тиэһин биирдиилээн ырытыаҕа;
— Эксээмэннэргэ хайдах сөпкө бэлэмнэнэр туһунан сүбэ-ама биэриэхтэрэ;
— Туттарар биридимиэттэргит эрэпэтиитэрдэрин булуоххут;
— Эксээмэннэргэ (ОГЭ, ЕГЭ) бэлэмнэнэргэ ирдэнэр матырыйааллары булуоххут;
— Улахан кылаас үөрэнээччилэригэр, төрөппүттэргэ, педагогтарга, оскуола дириэктэрдэригэр, солбуйааччыларыгар, үөрэх управлениетын начаалынньыктарыгар, солбуйааччыларыгар, урукку сылларга оскуоланы бүтэрбиттэргэ аналлаах өрөспүүбүлүкэ уонна дойду эспиэртэрэ кыттыылаах “Профориентация и кадры. Преображение профессионального самоопределения” тиэмэлээх босхо дискуссионнай былаһаакка ыытыллыаҕа. Тус сыаллаах үөрэҕи сиһилии ырытыахтара.
Дьаарбаҥка кэмигэр ПрофЯКТ босхо 2025 сыллааҕы халандаары түҥэтиэҕэ итиэннэ М.В.Ломоносов аатынан Москватааҕы судаарыстыбаннай университет психолог-учуонайдара оҥорбут идэҕэ эрдэттэн туһаайыы тиэстэрин киирэн толорорго ураты көҥүл бэриллиэҕэ.
Сиһилии иһитиннэрии profykt.ru саайтка баар буолуо диэн суруйаллар. Тэрээһиҥҥэ киирии БОСХО.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…