Москубатааҕы физико-тиэхиньиичэскэй институт Арассыыйаҕа тиэхиньиичэскэй үрдүк үөрэх кыһаларыгар биир бастыҥынан биллэр. Үүнэр көлүөнэ тус сыаллаах пуондата уонна Саха сирин физико-тиэхиньиичэскэй хайысхалаах оскуолаларын сайыннарыы пуондатын кытта бииргэ үлэлэһии түмүгүнэн, үөрэнээччилэрбит дойду бастыҥ үрдүк үөрэҕин кыһатын профильнай кылааһыгар үөрэнэр кыахтаныахтара.
Бырайыак сүрүн соруга – талааннаах үөрэнээччилэри бэлэмнээһин уонна физико-тиэхиньиичэскэй хайысхаҕа национальнай систиэмэни тутуу буолар. Ол эбэтэр, идэҕэ туһаайар куруһуоктары уонна кылаастары эрэгийиэннэргэ арыйыы. Маннык идэҕэ туһаайар кылаастар Саха сирин аҕыс оскуолатыгар аһылыннылар. Бу кылаастарга үлэлэһиэхтээх учууталлар таһымы үрдэтэр туһуттан МФТИ базатыгар математика, физика, информатика биридимиэттэригэр онлайн-куурустарга үөрэннилэр.
Мэҥэ Хаҥалас улууһун Г.Т.Тимофеев аатын сүгэр Майатааҕы лиссиэйгэ, Уус Алдан улууһун Мүрүтээҕи гимназияҕа, Чиряевтар ааттарын сүгэр Дьокуускайдааҕы национальнай гимназияҕа, Горнай улууһун Бэрдьигэстээҕи гимназияҕа, Амма улууһун Л.В.Киренскэй аатын сүгэр лиссиэйгэ, Чурапчы улууһун С.К.Макаров аатын сүгэр гимназияҕа, А.Н.Чусовской аатын сүгэр Ньурбатааҕы тиэхиньиичэскэй лиссиэйгэ уонна А.Е.Мординов аатын сүгэр Тааттатааҕы гимназияҕа маннык идэҕэ туһаайар кылаастар арылыннылар.
Бырайыак сүрэхтэниитигэр оскуола учууталлара, дириэктэрдэрэ уонна СӨ Үүнэр көлүөнэ тус сыаллаах пуондатын генеральнай дириэктэрэ Владимир Егоров, Физико-тиэхиньиичэскэй оскуолалар сайдыыларын пуондатын эрэгийиэннээҕи хайысхаларын салайааччы Айрат Идрисов сырыттылар.
Майатааҕы лиссиэй дириэктэрэ, саҥа бырайыак координатора Татьяна Попова бу кылаастар аһыллыылара Саха сиригэр устуоруйаҕа киирэр түгэн буоларын бэлиэтээтэ. Кини тэрийээччилэргэ махталын биллэрдэ уонна атын оскуолалар бу бырайыагы сэҥээрбиттэрин, инникитин бу хамсааһын сайдар кэскиллээҕин эттэ.
Кыһын дьиэ үүнээйилэрэ мэлдьи эрэйдэнэллэр, сэбирдэхтэрэ араҕастыйар уонна түһэр диэн «Ученый агроном» ханаал ааптара суруйар.…
Айсен Николаев Саха Өрөспүүбүлүкэтин Бастакы Бэрэсидьиэнин оскуолаларын ситимин сайыннарыы боппуруостарыгар мунньах ыытта. Көрсүһүүгэ бэрэсидьиэн оскуолаларын…
Кэлэн иһэр саргылаах Саҥа дьылы көрсө Үрүҥ Айыы сылынан (Кытай халандаарынан – Кыһыл ат сыла)…
Саха сиригэр суукка иһигэр буруйу оҥоруу туһунан икки иһитиннэрии бэлиэтэннэ. Бу туһунан СӨ Борокуратуурата иһитиннэрэр.…
Ахсынньы чахчы да аам-даам тымныыта күүһүрэн, нэдиэлэттэн ордук кэм устата 1-8 кылаас оҕолоро Дьокуускайга,…
Айсен Николаев социальнай суолталаах ас-үөл табаардарын тиэйиини тэрийиигэ мунньах ыытта уонна Арктика улуустарын олохтоохторугар дьоҕус…