Хаартыска: Сахагов.ру
Дьокуускайга сыл аайы ыытыллар «Профориентация» быыстапка-дьаарбаҥка бэлэмнэнэр түһүмэҕэ буолуоҕа. Манна дойду бастыҥ үнүбэрситиэттэрин уонна орто анал үөрэх кыһаларын бэрэстэбиитэллэрэ түмсүөхтэрэ. Тэрээһин ахсынньы 7 күнүгэр 11 чаастан 203-с микрооройуон «Смарт» бибилэтиэкэтигэр буолуоҕа. Быыстапка үрдүкү кылаас үөрэнээччилэригэр, урукку выпускниктарга, учууталларга үөрэх кэскилин, инники үлэ туһунан информацияны ылар кыаҕы биэриэҕэ.
«Маннык тэрээһиннэр оскуола оҕолоругар уонна кинилэр төрөппүттэригэр аныгы үөрэх траекторияларын көрөргө уонна идэлэрин талыыларыгар табыгастаахтык, өйдөөн-төйдөөн сыһыаннаһалларыгар кыах биэрэллэр. Хас биирдии выпускник бэйэтин суолун булар эйгэтин тэрийэргэ дьулуһабыт», — диэн Үөрэх уонна билим министиэристибэтэ иһитиннэрэр.
Дьаарбаҥкаҕа кыттыбыт дьоҥҥо талбыт хайысхаларыгар киирэргэ ханнык биридимиэккэ Биир кэлим судаарыстыбаннай эксээмэннэргэ күүскэ бэлэмнэниэхтэрин наадатын туһунан иһитиннэриэхтэрэ. Кыттааччылар Уһук Илиҥҥи, Сибиир уонна киин Арассыыйа үнүбэрситиэттэрэ оҥорор бырагыраамаларын билсиэхтэрэ, бэрэстэбиитэллэрин кытта көрсүөхтэрэ, үөрэххэ киирии ирдэбиллэрин туһунан ыйыталаһыахтара.
Оскуола оҕолоругар идэҕэ туһаайыыга исписэлииһи кытта тус сүбэ-ама оҥоһуллуоҕа. Исписэлиистэр эмиэ экзаменҥа бэлэмнэниигэ сүбэлэрин биэриэхтэрэ.
Тэрийээччилэр 2026 сыллааҕы идэҕэ туһаайыы халандаарын босхо тарҕатыахтара.
Сиһилии: https://www.sakha.gov.ru/news/16646
СӨ Ил Дархана Айсен Николаев, РФ Оборуонатын миниистирин солбуйааччы Александр Санчигы кытта, РФ Сэбилэниилээх күүстэрин…
Саха сирин үтүөлээх этээччитэ Арыйаана Романовна Михайлова тэрийбит үбүлүөйдээх күрэҕэр Ньурба улууһуттан Маар орто оскуолатыттан…
Саха сирин, Тыва, Камчатка үөрэх кыһаларын бүтэрбит эдэр дьон үксүн үөрэммит эрэгийиэннэригэр олохсуйан үлэлии хаалаллар,…
Бүгүн, ахсынньы 5 күнүгэр, Дьокуускайдааҕы А.Е. Кулаковскай аатынан норуоттар доҕордоһууларын дьиэтигэр өрөспүүбүлүкэ норуоттарын национальнай култуураларын…
СӨ Ил Дархана Айсен Николаев сэтинньи ый түмүгүнэн Уһук Илин губернатордарын медиа-рейтинин инники күөнүгэр таҕыста.…
Арассыыйа Наукаларын Академиятын Палеонтология институтун чинчийээччилэрэ Алексей Лопатин салайааччылаах, 35 тыһыынча сыл анараа өттүгэр Саха…